Akiliisinnaajunnaartoqarnerani feeriarnermi aningaasarsiassat

Nalinginnaasumik paasissutissiineq 

Suliffeqarfik suliffigisat akiliisinnaajunnaaraluarpat feeriarnissamut aningaasarsiassatit taamaalillutik ilinnut tunniunneqarsinnaajunnaarlutik, feeriarnissamut aningaasarsiassatut annaasatit Lønmodtagernes Garantifondimut (LG) qinnutigisinnaavatit. LG Danmarkimi ATP-mi aaqqiissutaavoq.

Feeriarnissamut aningaasarsiassat annaaneqartut LG aqqutigalugu pissarsiarissagaanni, suliffeqarfimmi akiliisinnaajunnaartumi akissarsiaqartutut atorfeqarsimassaatit.

Eqqartuussivimmiit akiliisinnaajunnaarneq pillugu allagaq tiguneqarsimanngippat LG-mit qinnuteqaatit suliarineqarsinnaanngilaq. Akiliisinnaajunnaarluni allagaq atorlugu suliffeqarfigisimasat akiliisinnaajunnaarsimasoq uppernarsaatitut atorneqassaaq. Akiliisinnaajunnaarneq pillugu allagaq LG-mit tiguneqarpat, qinnuteqaatit naammassillugu suliarineqareersimasinnaavoq qaammatit marluk missaat qaangiuppata.

 

Qinnuteqarneq 

Feeriarnissamut aningaasarsiassat annaasatit qinnutiginiarukkit, qinnuteqarnissamut immersuiffissaq atussavat. Taamaaliorniaruillu periutsit pingasuupput:
• Qinnuteqarnissamut immersuiffissaq aasinnaavat uani www.atp.dk
• Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut saaffiginnissuteqarsinnaavutit
• Sinerissami Suliffissarsiuussisarfimmut saaffiginnissuteqarsinnaavutit

Feeriarnissamut aningaasarsiassatut annaasavit matussusernissaanut qinnuteqaruit ilanngutassatut eqqaamassavatit:
• Akissarsiat allagartaat
• Akileraartarnermut allagartaq

Qinnuteqaatit e-mailikkut nassiutissavat uunga LG@atp.dk

Aamma qinnuteqaatit Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut tunniukkiartorsinnaavat imaluunniit nassiussinnaavat. Qinnuteqaat Naalakkersuisoqarfimmit tiguneqarpat, taaakku ATP-mut ingerlateqqinneqarnissaa isumagissavaat.

 

Qinnuteqareernerpit kingorna 

Qinnuteqaatit suliarineqareerpat, aningaasartai kontunnut toqqaannartumik ikineqassapput.

 

Kommune Qeqertalik
Postboks 220
3950 Aasiaat

Oqarasuaat: (+299) 70 19 00
Fax: (+299) 89 22 87
E-mail: qeqertalik@qeqertalik.gl
Nittartagaq: www.qeqertalik.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl
Aningaasaqarnermut Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: oed@nanoq.gl
Nittartagaq: www.naalakkersuisut.gl