Utoqqaanerusut pillugit aaqqissuussineq

Nalinginnaasumik paasissutissiineq 

Kalaallit Nunaanni suliffissaqartitsineq pisortanit aamma namminersortunit ingerlatsivigineqarpoq. Namminersortutut aamma pisortat ingerlassaanni sulinermi atugassarititaasut inatsisit aqqutigalugit maleruagassiorneqarnikuupput. Pisortani atorfilinnut atorfeqarnermi atugassarititaasut, inunnut ataasiakkaanut atuuttut aamma matumani isumaqatigiissutit malillugit maleruagassiorneqarnikuupput. Kinguliini allassimasut pisortani atorfilinnut taamaallaat atuupput.

Sulisinnaatilluni 65-illu inorlugit ukioqaraanni suliffimmik isumaginninnissamut pisussaaffeqartoqarpoq. Utoqqaliartornerli ilutigalugu suliffimmik paarsinissaq ajornarsiartorsinnaavoq. Taamaattumik illit pisortat suliffeqarfiini sulisutut utoqqaanerusut pillugit aaqqissuussamut ilaatinneqarsinnaavutit.

Utoqqaanerusut pillugit aaqqissuussaq tassaavoq sulisut utoqqaanerusut ajornannginnerusumik suliffimminnik piffissami sivisunerusumi isumaginninnissaat pillugu aaqqissuussaq.

Utoqqaanerusut pillugit aaqqissuussamut ilaatinneqarnissat piumasaqaataanngilaq. Suliffeqarfiilli ataasiakkaat namminneq nalilertassavaat utoqqaanerusut pillugit aaqqissuussinissaq pisariaqartinneqarnersoq.

Isumaqatigiissuteqarfiit apeqqutaallutik utoqqaanerusut pillugit aaqqissuussinerit assigiinngitsuupput.

Piumasaqaatit 

Utoqqaanerusut pillugit aaqqissuussamut ilaatinneqassaguit:
• Ilinnut tunngatillugu isumaqatigiissut naapertorlugu utoqqaanerusut pillugit aaqqissuussamut ilaatinneqarnissamut pisinnaatitaavutit
• Maleruaqqusat malillugit 55-inik ukioqalereersimassaatit

Aaqqissuussap isumaa 

Utoqqaanerusut pillugit aaqqissuussaq pillugu killissarititat suliffeqarfimmi sulisunut politikkeqarneq aqqutigalugu isumagineqartarpoq. Soorlu assersuutigalugu:
• Sulinikinnerussaatit, aningaasarsiatilli pigiinnarlugit
• Ulloq unnuarlu nikittaalluni sulinermut ilaassaatit, unnuarsiortarnalli
• Suliffiup iluani allamik artornannginnerusumillu suliaqarnissamik neqeroorfigineqassaatit
• Sulisitsisut utoqqalinersiutissanut aningaasat amerlanerusut akiliutigissavai

Isumaqatigiissutini ataasiakkaani killissarititaasut suut iluanni utoqqaanerusut pillugit aaqqissuussaq atuutissanersoq allaqqasinnaavoq.

Isumaqatigiissutit 

Isumaqatigiissutini ilinnut tunngasoq utoqqaanerusunullu aaqqissuussinerit atuuttut uani takukkit (danskisut allassimasumut ingerlaqqippoq - danskisut allassimasuani isumaqatigiissutit amerlanerummata)

Allaaserisat attuumassutillit

Kommune Qeqertalik
Postboks 220
3950 Aasiaat

Oqarasuaat: (+299) 70 19 00
Fax: (+299) 89 22 87
E-mail: qeqertalik@qeqertalik.gl
Nittartagaq: http://www.qeqertalik.gl

Aningaasaqarnermut Akileraartarnermullu Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
Fax: (+299) 32 46 14
E-mail: oed@nanoq.gl
Nittartagaq: www.naalakkersuisut.gl