airplanebooksbriefcase business cogs cross election entertainment fish house law lockmedicalpeopleselfservices socialtax

Kapisilinniarneq

Nalinginnaasumik paasissutissiineq 

Aalisakkat ilaat immikkut aalisarneqartartut tassaapput atlantikup kapisilii. Atlantikup kapisilii europap nunavianiit amerikallu avannarliup nunavianiit nerisassarsiorlutik kalaallit nunaata sineraanut ingerlaartarput.

Kitaani Qeqertarsuup Tunuanit tunumilu Ittoqqortoormiinit avannarpasinnerusumut ingerlaarneq ajorpoq.

Inuussutissarsiutigalugu aalisartuuguit kapisilinniarlutit aalisarsinnaanermut aalisarnissamut akuersissuteqarnissaq pisariaqarpoq.
Sunngiffimmi aalisartuuguit tamatigut aalisarnissamut akuersissuteqartussaavutit.

 

Piumasaqaatit 

Inuussutissarsiutigalugu aalisarneq
Inuussutissarsiutigalugu aalisartuuguit oqummersaqarlutit aamma qassusersorlutit minnerpaamik 140 mm-ik nigartalinnik kapisilinniarsinnaavutit.
Aalisarneq augustip 15.-ianiit aallartittarpoq oktoberillu 31.-iani naasarluni imaluunniit pisassiissutit tamakkerlugit aalisarneqarsimappata piffissaq sioqqullugu naasinnaalluni. Oktoberip 31.-ia sioqqullugu pisassiissutit tamakkerlugit aalisarneqarsimappata aalisarneq ingerlaannaq unitsinneqassaaq tusagassiutitigullu nalunaarutigineqarluni.
Angallat 6 meteri tikillugu imaluunniit 12,8 meteri (42 fod) tikillugit takissusilimmik angallammik inuussutissarsiutigalugu aalisarneq
Qassutit kapisilinniutit 2000-inik nigartallit, nigartaa tasillugu minnerpaamik 140 mm-iusut

Sunngiffimmi aalisarneq
Kapilinniarnissamut akuersissummik peqartariaqarpoq. Sunngiffimmi aalisartut qassutit ataatsit kapisilinniutit 2000-inik nigartallit, nigartaa tasillugu minnerpaamik 140 mm-iusut atussavaat

Pisat nalunaarutigineri
Inuussutissarsiutigualugu aalisartut aamma sunngiffimmi aalisartut pisatik uunnga nalunaarutigissavaat GFLK@nanoq.gl aamma pisaqarsimanngikkaluarunilluunniit.



Pisatit assersuutigalugu ukununnga tunisivaatit:
• Kalaalimineerniarfiit
• Sumiiffimmi pisortat suliffiutaat
• Akunnittarfiit
• Ilinniarfeqarfiit
• Napparsimmaviit
• Neriniartarfiit

Sunngiffimmi aalisartutut
Sunngiffimmi aalisartutut nammineq atugassannik kapisilinniarsinnaavutit. Sunngiffimmi aalisartuuguit qissataat, qassutit oqummersallu atorlugit kapisilinniarsinnaavutit. Sunngiffimmi aalisartut taamaallaat qassutit ataatsit atorsinnaavaat.


Malugiuk
Kapisilittat tamarmik qassuseriareernerit imaluunniit oqummersamik qissattaammilluunniit kapisilereernerit tamaasa Kalaallit Nunaanni Aalisarsinnaanermut Akuersissutinik Nakkutilliivimmut (KANUAANA) nalunaarutigineqassapput. Tamanna aamma sunngiffimmi aalisartunut atuuppoq.

Nalunaaruteqarnermi immersugassaq aajuk

 

Aalisarsinnaanermut akuersissut pillugu qinnuteqarneq 

Inuussutissarsiutigalugu kapisilinniarnissamut ingerlatsinissamut aalisarsinnaanermut akuersissuteqassaatit.
Kapisilinniarlutik sunngiffimmi aalisarnissamut aalisarnissamut akuersissuteqassaatit.


Sinerissamut qanittumi inuussutissarsiutigalugu kapisilinniarnissamut akuersissut aajuk

Aalisarsinnaanermut akuersissutinik qinnuteqaatit kommunimi najugarisami pissaaq.
Aalisarsinnaanermut akuersissut tassaavoq aalisakkanut pisassiissutaasunut imaluunniit killilersuiffigineqartunut inuussutissarsiutigalugu aalisarsinnaanermut imaluunniit sunngiffimmi aalisarsinnaanermut akuersissut.
• Aalisariutit 6 meterinik naanneruppat taanna inuussutissarsiutigalugu angallatitut akuerisaasimassaaq.
• Nutaatut qinnuteqartuuguit 6 meteri sinnerlugu aalisariutit naalagaaffimmut atassuteqarnermik uppernarsaateqassaaq uuttuutaanullu allagartaqarluni, taakku aalisarsinnaanermut akuersissummut ilaatillugit nassiunneqassallutik.
• Aalisarninnut angallat alla nutaaq ilanngussimagukku naalagaaffimmut atassuteqarnermik uppernarsaat uuttuutaanullu allagartaq aalisarsinnaanermut akuersissummut ilaatillugit nassiunneqassapput.
• Kapisilinniarnermi angallat 12,8 meterimik (42 fod) annerpaamik takissuseqassaaq.

Inuussutissarsiutigalugu imaluunniit sunngiffimmi kapisilinniarnissamut akuersissummik qinnuteqarniarlutit illit komuninnut saaffiginnissaatit. Inuussutissarsiutigalugu imaluunniit sunngiffimmi aalisarnermi kapisilinniarnissaq pillugu qinnuteqaat kommunimiit APNN-imut nassiunneqassaaq.


Aalisarsinnaanermut akuersissut pillugu annertunerusumik uani atusinnaavutit

 

Naammagittaalliuteqarneq 

Tunngaveqanngitsumik itigartitaasimasutut isumaqaraanni apnn@nanoq.gl-imut naammagittaalliortoqarsinnaavoq.

Kommune Qeqertalik
Postboks 220
3950 Aasiaat

Oqarasuaat: (+299) 70 19 00
Fax: (+299) 89 22 87
E-mail: qeqertalik@qeqertalik.gl
Nittartagaq: www.qeqertalik.gl

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.naalakkersuisut.gl