Atuarfiup paaqqinnittarfia – Nalinginnaasumik paasissutissiineq

Atuarfiup paaqqinnittarfia – Nalinginnaasumik paasissutissiineq 

Aaqqissuussineq pillugu annertunerusumik paasisaqarumaguit imaluunniit illit meeqqavit atuarfiup paaqqinnittarfianiittalernissaa nalunaarutiginiarukku, najukkanni atuarfiup paaqqinnittarfianik aaqqissuussiffik attaveqarfigissavat:
  • Qeqertarsuarmi atuarfimmi paaqqinniffik: oqarasuaat 92 12 18
  • Qasigiannguani sunngiffimmi ornittagaq – ”Aningaaq”: oqarasuaat 91 11 32
  • Kitsissuarsunni atuarfimmi paaqqinniffik: oqarasuaat 89 97 22
  • Aasianni sunngiffimmi ornittagaq – ”Igdlo”: oqarasuaat 89 47 82/ 89 21 96
  • Kangaatsiami atuarfimmi paaqqinniffik: oqarasuaat 87 21 40

Akigititat
Akigititat akinut allattorsimaffimmi ataaniittumi nassaarisinnaavatit.

Akit allattorsimaffiat - 2018
Atuarfiup paaqqinnittarfia meeqqanut tamanut arfinilinniit qulingiluat tikillugit ukiulinnik paarsinissamut neqeroorutaavoq. Atuarfiup paaqqinnittarfia nalinginnaasumik ulluinnarni nal. 07.00-miit 17.00-imut ammasarpoq, taamaalilluni meeqqavit atuarnissaq sioqqullugu atuareernermilu, illit sulinivit nalaani paarineqarnissaminut periarfissaqarpoq.

Atuarfiup paaqqinnittarfia nammineq piumassuseq aallaavigalugu neqeroorutaavoq.

Illoqarfinni tamani aamma nunaqarfinni amerlanerpaani atuarfiup paaqqinnittarfianik aaqqissuussineq atuuppoq, taanna atuarfimmiinngikkuni najukkammi sunngiffimmi ornittakkamiittarpoq.

Meeqqavit atuarfiup paaqqinnittarfimmiinniissaa kissaatigigukku, illit kommunit imaluunniit najukkanni atuarfiup paaqqinnittarfia attaveqarfigissavat.


Malugiuk
Illit kommunivit atuarfiup paaqqinnittarfiani aqutsisut sulisullu piginnaasaqarluartut atorfinitsittarpai. Tamatuma kingunerisaanik ilaatigut, kommunip atuarfiup paaqqinnittarfiani inummik atorfinitsitsinnginnermini, pineqartoq pinerluuteqarsimannginnermut uppernarsaateqarnersoq kommunip takusinnaasussaavaa.

Illit meeqqat qulingiluat sinnerlugit ukioqarpat, taarsiullugu sunngiffimmi ornittakkamit akiliuteqarnikkut paarineqarsinnaavoq.

Kommune Qeqertalik
Postboks 220
3950 Aasiaat

Oqarasuaat: (+299) 70 19 00
Fax: (+299) 89 22 87
E-mail: qeqertalik@qeqertalik.gl
Nittartagaq: http://www.qeqertalik.gl