Qeqertarsuarmi suliassaqarfimmi INUIT Innarluutilinnut Sullissisumik pissarsiorpoq

Kommuni Qeqertalik Qeqertarsuarmi Innarluutilinnut Sullissisumik pissarsiorpoq 1. september 2018 imaluunniit  isumaqatigiissuteqarnikkut atorfinittussamik.
Qinnuteqarfissaq:
24. august 2018
Sumi:
Qeqertarsuaq
Ulloq aallartiffik:
1. september 2018
Akissarsiat:
Isumaqatigiissutit malillugit
Inunnik isumaginninnermut sullissivimmi sulisut allat qanimut suleqatigissavatit, inunnik isumaginninnermut sullissivimmi aqutsisoq qaninnertut qullersarissallugu.
 
Suliassaqarfiit akisussaaffiillu ilaatigut makkuussapput:
 
Najugaqarfinni innarluutillit atugassarititaat eqinnaatsumik malittarinerisigut nakkutigalugit, taperserneqarnissamillu pisariaqartitsisut pillugit ilisimatitsisarnissaq
Innarluutillit pillugit peqqussut naapertorlugu qinnuteqaatit eqqarsaatigalugit misissuinerni tapersersortitut inissisimanissaq
Innarluutillit pillugit peqqussut naapertorlugu paasisimasallit attuumassuteqartut peqatigalugit ikiorsiissutit atorneqarnissaat pisariaqartinneqartut nalilersorlugit
Innarluutilinnut tunngasuni sullissinerit tamaasa isumagalugit, tamatumani innarluutillit pillugit peqqussut naapertorlugu qinnuteqaatit, tassungalu attuumassuteqartut suliaralugit
Innarluutilinnut tunngasut suliat pillugit suliffeqarfiit akimorlugit suleqatigiinni peqataaneq, tamatumani suliffiup iluani avataanilu suleqatigisat
Innarluutilinnut tapersersortit ataatsimoortittarneri, siunnersorneqarneri tapersersorneqarnerilu
 
 
Piginnaasat:
 
Isumaginninnermut Siunnersortitut ilinniarsimaneq imaluunniit inulerinermik assingusumik ilinniarsimaneq
Isumaginninnermut sullissivimmi sullissinermik misilittagaqarneq
Tulleriissaarisinnaaneq, tatiginassuseqarneq aamma maligassiuisinnaaneq
Sullitanut attaveqarluarsinnaaneq attavigiuminartuunerlu
Atorfeqartussap tarnikkut nukittunissaa piumasaqaataavoq
 
 
Akissaatit atorfininnermilu atugassarititaasut: 
 
Akissarsiaqartitaaneq atorfininnermilu atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
 
Atorfimmut atatillugu inissaqartitsisoqarpoq inatsisit atuuttut naapertorlugit. 
 
Pinerlussimannginnermut uppernarsaat aamma meeqqanik pinerliisimannginnermut uppernarsaat naammaginartoq pigineqassasut atorfininnissamut piumasaqaataavoq. Meeqqanik pinerliisimannginnermut uppernarsaat atorfinitsitsisumit Naalagaaffiup politiivinut (Rigspolitiet), qinnuteqartup atsiorluni akuersineratigut piniarneqassaaq, pinerlussimannginnermut uppernarsaat qinnuteqartup nammineerluni piniassavaa atorfinitsitsisunullu tunniullugu.
 
Atorfik pillugu paasissutissat allat Qeqertarsuarmi Inunnik isumaginninnermut sullissivimmi aqutsisumut Nivi Enoksen-imut oqarasuaat 38 72 14 imaluunniit e-mail nien@qeqertalik.gl atorlugu saaffiginninnikkut piniarneqarsinnaapput.
 
Qinnuteqaat ilinniarsimanermut uppernarsaatit il.il. assinginik ilalik siusinnerusukkullu sulerisimanermik paasissutissartalik HR-eqarfimmut kingusinnerpaamik ulloq 24. August 2018 tunniunneqareersimassaaq.
 
 
Qinnuteqaat uunga nassiunneqassaaq:
Kommune Qeqertalik
Postboks 513,
3953 Qeqertarsuaq
 
Imaluunniit e-mail: qeqertarsuaq@qeqertalik.gl