INUTTASSARSIUUTEQQITAQ Gammeqarfik

Inunnik isumaginnittumik sulisussarsiorpoq
Qinnuteqarfissaq:
17. december 2018
Sumi:
Aasiaat
Ulloq aallartiffik:
1. januar 2019
Akissarsiat:
isumaqatigiissutit malillungit

Gammeqarfik 

Kommune Qeqertalik Aasiaat

Nivinngaqqitaq.

Gammeqarfik inunnik isumaginnittumik sulisussarsiorpoq.


Inunnik isumaginnittup atorfinittussap piffissap ilaa Gammeqarfimmi sulisassaaq piffissallu ilaa Kommune Qeqertaliup inunnik
isumaginnittoqarfiani sulisassalluni. Allattuulli Inunnik isumaginnittup Kommune Qeqertalimmi inunnik isumaginnittut suleqataaffigissavai
akisussaaqataaffigillugillu. Tamaalilluni suliani Gammeqarfimmi inunnillu isumaginnittoqarfimmi ataqatigiississallugit.
Sulinermini qullersarissavaa atuarfiup pisortaanera.  
Ulloq atorfiniffissaq 1. januar 2019.

Suliassavillu annersarissavaa atuarfimmi aamma angerlarsimaffiit suleqatigiinnerat annertussassallugu pitsanngorsassallugillu.  Ilinniartitsisut
nalunaarusiornissaanik siunnersorlugit, oqaloqatiginnitttarneq atuartunut angajoqqaanullu, Siunnersueqataaneq ilinniartitsisut akornanni
suleqatigisassallugillu.

Inunnik isumaginnittup atuarfimmi sulisut allat aammalu isumaginnittoqarfimmi sulisut peqatigalugit suleriaasissamik nutaamik
inerisaqataassaaq. Taanna suleriaasissaq nutaaq makkununnga tunngaveqassalluni atornerluinermut aammalu qinngasaarinermut, aammalu
aappiullugu atuarfia iluani upalugaarsuinermut suleqataanissaq. Pinartoqartillugu klasse-p iluani inunnik isumaginnittup ilinniartitsisut
ilaqutaasullu peqatigalugit suleriaasissamik klasse-mut suliniuteqassaaq. Pinartoqartillugulu oqaloqatiginnittartuullunilu
siunnersuisartuussalluni tamagiinnut

Naatsorsuutigaarput:


-    Inunnik isumaginnittutut ilinniagaqarsimanissat.
-    Eqeersimaartuunissat, nammineersinnaalluartuunissallu.
-    Inunnik isumaginnittutut sulisimanernik misilittagaqarluarsimanissat (Kommune-p iluani sulisimanissaq,

     piumasaqataanngilarli)
-    Sullarissoq.
-    Eqinnaattoq
-    Piffissamik eqquisinnaasoq.

Marlunnik oqaaseqartuuneq, kalaallisut qallunaatullu.
Pingaartipparpullu suleqatigiuminartuunissat, tatiginartuunissat, inuttullu qanilaartuunissat.

Annerusumik paasissutissat:
Arlaanik apeqqutissaqaruit imaluunnit paasissutissanik pissarserusukkuit Atuarfiup pisortaanera tlf. 89 47 55 attavigineqassaaq.

Atorfininnissamut piumasaqaataavoq Meeqqanik pinerliisimannginnermut aammalu pinerlussimannginnermut uppernarsaamik
atorfinikkusulluni qinnuteqartoq pillugu Qaasuitsoq Kommunea  Rigpolitiet-mut paasissutissanik piniassammat. Taakkualu
pissarsiarineqareerata kingorna, uppernarsaatillu ajunngippata atorfinitsitsineq aatsaat pissammat.


Akissarsiat atorfininnermullu tunngasut:
Akissarsiat atorfininnermullu tunngasut. Atorfininneq pissaaq  Kalaallit Nunaanni Naalakkersuisut  AK-llu  imaluunniit  Kattuffik alla
isumaqatigiinniarsinnaasup isumaqatigiissutaat naapertorlugit.
Soqutiginnitullu uunga nittartakkamut iserlutik misissuisinnaapput:
www.naalakkersuisut.gl  ”Sulisoqarneq akissarsiallu ataani”.

Atorfininnermut atatillugu inissaqartitsisoqarsinnaavoq.  Inissamillu innersuusisoqarpat, qularnaveeqqutit inigisamullu akiliutit, ineqarnermut
attartornermullu Namminersornerullutik oqartussat Kommune-nillu inissiaataat pillugit isumaqatigiissutaasut naapertorlugit ineqarnermut
akiliisoqartassaaq. Inissiamik nuffissatut innersuusaareernikuugaluartoq allamik taarserneqariartaarnissaa sillimaffigineqarsinnaavoq,
atorfinitsisisup tamanna pisariaqartissimassappagu. Inissiamiillu aamma allamut nuussinnaanissat ilisimassuat, atorfimmiit suliunnaarneq
peqqutigalugu..


Inissiaq paarinerlunnermik kinguneqarpat inissiamik allamik tunineqarsinnaannginnerit ilisimasariaqarpat. Atorfininninermi  angalaneq
pisattallu ingerlanneqarnerat akiliunneqassapput.

Qinnuteqarneq:
Qinnuteqaatit qarasaasiakkut nassiunneqarnissaat kissaatiginarpoq ukua atorlugit gammeqarfik@qeqertalik.gl  qinnuteqaatit ilinniarsimanernut
uppernarsaatitit, CV-llu ilanngullugit nassiullugit.

Qinnuteqarfissap killigitaa: 17 december 2018
Atorfininnissaq: 1.januar 2019
Suliffigiligassaq: Atuarfik Gammeqarfik
Paasissutissat allat piniarneqarsinnaapput: Atuarfiup pisortaaneranut Susanne Josefsen tlf. 89 47 55 Email: gammeqarfik@qeqertalik.gl