airplanebooksbriefcase business cogs cross election entertainment fish house law lockmedicalpeopleselfservices socialtax

INUTTASSARSIUUTEQQITAQ Aasianni perorsaasoq ataaseq inuttassarsiorneqarpoq

Meeqqerivik / Meeraaqqerivik Ukaleq-mut
Qinnuteqarfissaq:
25. februar 2019
Sumi:
Aasiaat
Ulloq aallartiffik:
1. april 2019
Akissarsiat:
Isumaqatigiissutit malillugit

Atorfik inuttassarsiuuteqqitaq

Kommune Qeqertalik, Aasiaat, Meeqqerivik / Meeraaqqerivik Ukaleq-mi perorsaasumik 1. april 2019 imaluunniit isumaqatigiissuteqarnikkut atorfinittussamik pissarsiorpoq. Meeqqerivik Ukaleq akuleriinnik meeraateqarfiuvoq. November 2017 nutaatut ammartoq. Ininut pingasunut agguagaavoq, meeraaqqerivittut init marluk inilu ataaseq meeqqerivittut atorluni.  

Meeqqerivimmi / meeraaqqerivimmi pissutsit:

  • Meeqqerivimmi / meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeqqerivik / meeraaqqerivik meeqqanut assigiinngittunik marlunnik ukioqatigiiaartunut inissaqartitsivoq, 0-2-nik ukiulinnut 24-nut kiisalu 3-5-inut ukiulinnut 20-nut inissaqartitsilluni.
  • Meeqqat sullitat malillugit ininiit ininut nuuttoqartarpoq, meeraaqqerivimmiik meeqqerivimmut nuuttoqarsinnaalluni imaluunniit meeqqerivimmiik meeraaqqerivimmut.
  • Meeqqerivinni ingerlatsineq immikkoortortaqarfiup INUIT ataani inissisimavoq.

Qinnuteqartussamut piumasaqaatit:

  • Perorsaasutut ilinniarsimasoq.
  • Akisussaassusilik, takunnissinnaasoq naleqqussarsinnaasorlu.
  • Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.
  • Timikkut tarnikkullu peqqissoq kiisalu ammasoq qiimasorlu.
  • Paaqqinnittarfiup anguniagai iliuusissatullu pilersaarutai aallaavigalugit sulisinnaasoq.

Meeqqerivik Ukalermiit qinnuteqartumut: 

  • Pikkorissarneq ingerlanneqassaaq ukioq 2019 aamma 2020, qinnuteqartup atorfininnermini pikkorissarfigissavai meeraaqqanut tunngasut aammalu angajoqqaat sumiginnaanerannit ersiutaasartunut tunngasut.
  • Spædbørnskonsulentimut suliutigaluni ilinniarneq naatsorsuutigineqarpoq ingerlanneqassasoq.

Akissarsiat atorfeqarnermilu atugassat:

  • Atorfinitsitsinermi akissaasersuineqassaaq isumaqatigiissutit atuuttut malillugit.
  • Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.
  • Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Ukaleq-up pisortaa Ivalo Thorin oqarasuaat 89 47 95.
  • Pisortatigoortumik pillangaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.

Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit ilanngullugit kingusinnerpaamik 25.februar 2019 nassiunneqassapput uunga:

Kommune Qeqertalik, Aasiaat
Sulisoqarnermut allaffik
Postboks 220
3950 Aasiaat

Email: pest@qeqertalik.gl imlt. ivth@qeqertalik.gl