airplanebooksbriefcase business cogs cross election entertainment fish house law lockmedicalpeopleselfservices socialtax

Akissarsialerisoq Kommune Qeqertalik tamakkerlugu akissarsialerivimmut

Qinnuteqarfissaq:
29. marts 2019
Sumi:
Kommune Qeqertalik tamaat
Ulloq aallartiffik:
1. april 2018
Akissarsiat:
Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq

Akissarsialerisoq

Kommune Qeqertalik tamakkerlugu akissarsialerivik akissarsialerisussamik naatsorsuinermillu suliaqartussamik sulisussarsiorpoq, 01. april 2019 imaluunniit piaartumik isumaqatigiissuteqarnikulluunniit sulilertussamik.

 

Kommune Qeqertalik-mi akissarsialerisut arfiniliupput ilinniartoq ataaseq ilanngullugu, ukunani siammersimasut: Qasigiannguani akissarsialerisoq, Qeqertarsuarmi akissarsialerisoq, Aasianni akissarsialerisut ilinniartoq ilanngullugu sisamat.

 

Akissarsialeriffik politikkikkut inissisimaffimmi INUA-mi inissimavoq.

 

INUA (Atuuffia) tassaavoq:

Allattoqarfik/Ineriartortitsivik – Ataatsimut aningaasartuutit, allaffik. Akileraarutitigut tapiissutit aamma nalimmassaanerit. Erniat (Aningaasaqarneq pillugu periusissat). Eqaannerusumik oqimaaqatigiisitsinerit (aningaasaatit aamma akiitsut). Aningaasaqarneq (aqutsineq aamma aaqqissuussaaneq). Sulisoqarnermut immikkoortortaqarfik (aqutsineq aamma aaqqissuussaaneq). IT (akuulersitsineq aamma ingerlatsineq). Illuutit. Pisiniartarneq.

 

Sulilertussaq Kommune Qeqertalik-mi najugaqarpat illoqarfigisaminilu allaffeqassappat naatsorsuutigissavaa piffissaq siulleq Aasianni ilinniartitsinerup nalaani allaffeqarnissani.

 

Suliffimmi pitsaassutsumik pingaartitsillutit sulisinnaassuutit, suliffimmilu pitsanngorsaatissanik aaqqiissutissanillu aaqqissuussamik sulinissamik piginnaaneqarlutik.

 

Suliassat pingaarnerit:

  • Aningaasarsianut tunngasunik Akissarsiat-nut ikkussuineq.

  • Akissarsiat allagartaasa misissorneri

  • Ingerlaavartumik immikkoortortaqarfinnik assigiinngitsunik attaveqarneq.

  • Immikkoortortaqarfinni assigiinngitsuni akissarsiat pillugit sullissineq

  • Akissarsiat kisitsitai inissinneqarneri toqqorterinerlu

  • Web-tas, sulisut naqittangaat

  • Nikinganaveersaartitsineq (afstemning)

  • Suliassat allat

Naatsorsuutigaarput qinnuteqartoq makkuninnga tunuliaqutaqarnissaa:

  • Suliamut attuumassuteqartumik ilinniagaqarneq – ass. HK allaffimmioq.

  • Misilittagaqarneq akissarsianillu soqutiginnittuuneq.

  • Pisortatigoortumik akissarsiat pillugit ilisimasaqarneq

  • EDB –mik atuinermik misilittagaqarneq

  • Aaqqissuussamik sulisinnaaneq akisussaaffeqartumillu sulinissaq

  • Namminersorluni akisussaaffilimmik suliaqarsinnaasoq

  • Suleqatiginnilluarsinnaasoq, qiimasoq attaveqaqatigiuminartorlu

  • Suliassanik nutaanik suliaqarnissamut piginnaalinik

 

Pineqaatissinneqarsimannginnermut uppernarsaat: 

Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersornerullutik Oqartussat kommunillu Kalaallit Nunaanni illutaanut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq.  Naatsorsuutigineqassaaq inigisamik Kommune Qeqertalik-mi innersuunneqarnissaq sivisunerusinnaammat, tamatumani inoqutigiinnut inissamik naleqquttumik pissarsinissaq inissatigut unammillernartumiinneq pissutigalugu. Atorfininnerup nalaani atorfimmut atasumik inimik innersuussisoqarsinnaatinnagu sulisut atorfimmut atasumik ineqarnissaminut tunineqarsinnaatitaasut utaqqiisaasumik ineqarnissaminut neqeroorfigineqartassapput.

Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Qinnuteqaat:

Qinnuteqaatip ilisarnaataa ”Akissarsialerisoq” aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup 29. Marts 2019 qaangiutinnginnerani sulisoqarnermut immikkoortortaqarfimmiit tiguneqareersimassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassitsissuutit email hr@qeqertalik.gl aqqutigalugu.

Atorfik pillugu apeqqutissaqaruit økonomidirektør Hans Jørgen Mørch attavigisinnaavat. Uunga sianersinnaavutit +299 582710 imaluunniit allaffigalugu hjmo@qeqertalik.gl 

--- 

Kommune Qeqertalik pillugu:

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq  kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit: http://qeqertalik.gl/

 

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit)