airplanebooksbriefcase business cogs cross election entertainment fish house law lockmedicalpeopleselfservices socialtax

Sulisoqarnermut immikkoortortaqarfik HR sulisussarsiorpoq

Sulisoqarnermut immikkoortortaqarfik HR inissisimaffimmi INUA-mi inissimavoq, Aasianni.
Qinnuteqarfissaq:
29. marts 2019
Sumi:
Aasiaat
Akissarsiat:
Isumaqatigiissutit malillugit

INUA (Atuuffia) tassaavoq:

Allattoqarfik/Ineriartortitsivik – Ataatsimut aningaasartuutit, allaffik. Akileraarutitigut tapiissutit aamma nalimmassaanerit. Erniat (Aningaasaqarneq pillugu periusissat). Eqaannerusumik oqimaaqatigiisitsinerit (aningaasaatit aamma akiitsut). Aningaasaqarneq (aqutsineq aamma aaqqissuussaaneq). Sulisoqarnermut immikkoortortaqarfik (aqutsineq aamma aaqqissuussaaneq). IT (akuulersitsineq aamma ingerlatsineq). Illuutit. Pisiniartarneq

Kommune Qeqertalik sulisoqarnermut immikkoortortaqarfimmi piginnaasaqarluartumik soqutiginittumillu ataatsimik sulisussarsiorpoq, taassuma kommunimi aqutsisorpassuit sulisorpassuillu inerisarneqarnissaat siuttuuffigisinnaasavai ilutigalugulu suliffeqarfiup ineriartornerani, allaffissornermik suliallit kiisalu naalakkersuinermik suliallit sullinneqarnerini patajaatsumik suleqataaffigisavai.

Sulisoqarnermut immikkoortortaqarfimmi sulisoq suleqatigiit sisamaasut ilaanniilluni sulissaaq aamma sulisoqarnermut immikkoortortaqarfimmi pisortaq qaninnertut pisortarissavaa. Atorfik Inuanut ilaavoq aamma Aasianni allaffeqartitsivoq.

Sulisoqarnermut immikkoortortaqarfiup pingaartillugit ukua pingaarnersiorpai:

  • sulisut periusissioriarlugit suliniarfigineri
  •  sulisut malittarisassaanik ineriartortitsilluni suliaqarnerit
  •  ataatsimoorussamik pikkorissaasarnerit ineriartortinneri
  •  suliffimmi avatangiisit aamma ilorrisimaarneq
  •  immikkut ittumik inatsisinik tunngaveqarluni sullissineq
  •  sulisut allaffissorluni sullinneri (atorfinititsinerit soraarsitsinerit)
  •  ilinniartut misiliillutik sulisut

Neqeroorutigaavut:

  •  atorfik namminersorfiusoq suliatigut inuttullu ineriartornissamut periarfissaqarluartoq
  •  suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq
  •  immikkoortortaqarfik ingerlalluartoq
  •  tatigeqatigiiffiusumik pitsaasunik atugaqarluni suleqatigiinneq.
  •  Soqutiginartuni pikkorissaqataaneq ineriartornissamullu periarfissat pitsaasut

Naatsorsuutigaarput:

  •  Sulisoqarnermut tunngasunik ilinniarluarsimasuusutit, aamma/imaluunniit misilittagaqartutit
  •  Naalakkersuinermik suliallit aqutaanni suliffeqarfimmi suliaqarnermik misilittagaqartutit
  •  Suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit
  •  takorluuisinnaasutit angusaqarniartuusutillu
  •  ajunngitsumik inunnut isiginnittuusutit, ilinnullu tatiginnilersitsisinnaassuseqartutit

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput. 

Inimik atorfeqarnernut atasumik pisataqanngitsumik innersuunneqarnissarnut malittarisassat qaqugukkulluunniit atuuttut naapertorlugit periarfissaqarputit. Inissiamut innersuunneqartumut maleruagassat qaqugukkulluunniit atuuttut malillugit ineqarnermut akiliummik qularnaveeqqutinillu akiliisoqassaaq. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik.

Sulisunit inissiat atorfeqarnerup unitsinneqarnerini qimanneqartassapput. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

Qinnuteqaat: Qinnuteqaat sulisoqarnermut immikkoortortaqarfimmi sulisumik nalunaaqutserlugu, ilinniakkap siusinnerusukkullu suliffigisimasat paasissutissartaannik aamma ilinniagarisimasap uppernarsaataanik il.il. ilalerlugu qinnuteqarfissap naannginnerani 29. marts 2019, nallertinnagu tunniutereersimassavat.

Atorfik pillugu paasissutissat amerlanerit sulisoqarnermut immikkoortortaqarfiup pisortaanut Erik Rasmussen, oqarasuaat 38 7000 aqqutigalugu pissarisiarineqarsinnaapput.

Ima qinnuteqassaatit: Qinnuteqaat il.il. uunga nassiunneqassapput: hr@qeqertalik.gl allallugu “mrk. HR medarbejder”

Kommune Qeqertalik pillugu:

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq  kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit: http://qeqertalik.gl/

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit)