airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasoq imaluunniit socialassistent ilinniagalik inuttassarsiorneqarpoq

Kommune Qeqertalik, Kangaatsiaq, Meeqqerivik Qupannaat-ni perorsaasumik 1. Juuni 2019 imaluunniit isumaqatigiissuteqarnikkut atorfinittussamik pissarsiorpoq. 
Qinnuteqarfissaq:
24. maj 2019
Sumi:
Kangaatsiaq
Ulloq aallartiffik:
1. juni 2019
Akissarsiat:
Isumaqatigiissutit malillugit

Kommune Qeqertalik, Kangaatsiaq, Meeqqerivik Qupannaat-ni perorsaasumik 1. Juuni 2019 imaluunniit isumaqatigiissuteqarnikkut atorfinittussamik pissarsiorpoq.

Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit, siusinnerusukkullu sulisimanermut uppernarsaatit ilanngullugit kingusinnerpaamik  24 maaji 2019

Meeqqerivik Qupannaat akuleriinnik meeraateqarfiuvoq. 1 september 2001 nutaatut ammarpoq.

Ininut pingasunut agguagaavoq, meeraaqqerivittut init marluk inilu ataaseq meeqqerivittut.

Meeqqerivimmi / meeraaqqerivimmi pissutsit:

  • Meeqqerivimmi / meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeqqerivik / meeraaqqerivik meeqqanut assigiinngittunik pingasunut inissaqartitsivoq, siulleq 0-2-nik ukiulinnut aappaa 2-3 24-nut kiisalu 3-6-inut ukiulinnut 20-nut inissaqartitsilluni.
  • Meeqqerivinni ingerlatsineq immikkoortortaqarfiup INUIT ataani inissisimavoq.

 

Qinnuteqartussamut piumasaqaatit:

 

  • Perorsaasutut ilinniarsimasoq.
  • Akisussaassusilik, takunnissinnaasoq naleqqussarsinnaasorlu.
  • Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.
  • Timikkut tarnikkullu peqqissoq kiisalu ammasoq qiimasorlu.
  • Paaqqinnittarfiup anguniagai iliuusissatullu pilersaarutai aallaavigalugit sulisinnaasoq.

 

Meeqqerivik Qupannaanut qinnuteqartumut neqeroorut : 

 

  • Periarfissaasinnaavoq ukioq manna Spædbørnskonsulentimut suliutigaluni ilinniarneq.

Akissarsiat atorfeqarnermilu atugassat:

  • Atorfinitsitsinermi akissaasersuineqassaaq isumaqatigiissutit atuuttut malillugit.

  • Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.
  • Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Meeqqerivik Qupannaat pisortaa Louise Jeremiassen oqarasuaat (+299) 87 21 45.
  • Pisortatigoortumik pillangaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.                                                                                                           

Qaammatini pingasuni misiligummik atorfinitsitsisoqassaaq.

Kommune Qeqertalik, Kangaatsiaq

Meeqqerivik Qupannaat

B-nr.: 861 Post Box 510 

3955 Kangaatsiaq

Email: loje@qeqertalik.gl Imalt Kan_børnehaven_Qupannaat@qeqertalik.gl