airplanebooksbriefcase business cogs cross election entertainment fish house law lockmedicalpeopleselfservices socialtax

Aasianni Meeraaqqerivik Vâva-mut perorsaasut marluk.

Qinnuteqarfissaq:
20. juni 2019
Sumi:
Aasiaat
Ulloq aallartiffik:
1. august 2019
Akissarsiat:
Isumaqatigiissutit malillugit.

Perorsaasutut atorfik inuttassarsiugaq. 

Kommune Qeqertalik, Aasiaat, Meeraaqqerivik ”Vâva”-mi perorsaasunik marlunnik

1. august 2019 imaluunniit isumaqatigiissuteqarnikkut atorfinittussanik pissarsiorpoq.

Meeraaqqerivimmi pissutsit:

  • Meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeraaqqerivik meeraaqqanut 36-nut inissaqartitsivoq.

  • Meeraaqqeriviup ammasarfigai ataasinngornermiit tallimanngornermut 06.30 – 17.00. Arfininngornikkut matoqqasarpoq.

  • Meeraaqqerivinni ingerlatsineq Meeqqanut Kultureqarnermullu Immikkoortortaqarfiup ataani inissisimavoq, Perorsaanermut ataqatigiissaarisullu meeraaqqerivimmik siunnersuineq ilitsersuinerlu isumagisarpai.

     
    Qinnuteqarnissamut piumasaqaatit:

  • Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq, akuersaartoq aalajaatsorlu. Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Kommune Qeqertalimmut atuuttut naapertorlugit sulinissamut piareeqqasoq.

  • Qinnuteqartut kalaalllisut qallunaatullu oqalussinnaasut piumaneqarnerussapput.

     

    Akissarsiat atorfeqarnermilu atugassat:

    Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.

    Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.

    Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: meeraaqqeriviup pisortaanut Laila S. Samuelsen oqarasuaat 89 47 74.

    Imaluunniit INUIT pisortaanut Mariane Sørensen. Larsen-mut oqarasuaat 38 70 89 sianernikkut pineqarsinnaapput.

    Pisortatigoortumik pillangaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.

    Qinnuteqaatit, ilinniarsimanermut uppernarsaatit, siusinnerusukkullu sulisima­nermut uppernarsaatit ilanngullugit kingusinnerpaamik 20 juni 2019 nas­siunneqassapput

    allakkatigut uunga:

     

    Kommune Qeqertalik, Aasiaat

    Sulisoqarnermut allaffik

    Postbox 220

    3950 Aasiaat