airplanebooksbriefcase business cogs cross election entertainment fish house law lockmedicalpeopleselfservices socialtax

Kangaatsiami Sunngiffimi Pisortatut barselsvikar-imik Kommune Qeqertalik taartaagallartussamik ujaasivoq.

Kommune Qeqertalik Kangaatsiami Sunngiffimmi pisortatut barselsvikar-itut sukkanerpaamik atorfinittitterusuppungut, imaluunniit isumaqatigiissuteqarnikut atorfinittussamik inuttassarsiorneqarpoq piffissamik killileriikkamik 2020 Januar-ip naanerata tungaanut.
Qinnuteqarfissaq:
31. juli 2019
Sumi:
Kangaatsiaq
Ulloq aallartiffik:
1. august 2019
Akissarsiat:
Isumaqatigiissutit malillugit

Sunngiffimmi pisortatut atorfik piaarnerpaamik barselsvikar-issarsiuunneqarpoq.


Sunngiffimmi pisortatut atorfik ataatsimut isigalugu

  • Sunngiffimmi pisortap suliassat taamarmiusut Kultureqarneq- aamma Sunngiffimmi sammisassaqartitsineq pillugit Inatsisartut peqqussutaat naapertorlugu ingerlatissavai.
  • Kangaatsiami Sunngiffimmi pisortap akisussaaffeqarfii/suliassaqarfii ilaatigut makkuupput:
    • Meeqqanut, inuusuttunut kiisalu inersimasunut sunngiffimmi atuartitsineq
    • Atuareernerup kingorna ornittakkat
    • Inuusuttut Klubbiat
    • Qeqertarsuarmi timersortarfik
    • Eqqumiitsuliortut sulliviat
    • Innuttaasut illuat
    • Katersugaasivik
    • Nunaqarfinni Attu, Iginniarfik, Ikerasaarsuk aammalu Niaqornaarsuk Kulturikkut kiisalu sunngiffimmi sammisassaqatitsineq
    • Kiisalu kulturimut aamma tiimersornermut tapiissutinik allaffissornikkut aqutsineq
  • Sunngiffimmi pisortaq Kangaatsiami sunngiffimmi sammisassaqartitsivinni kiisalu kulturikkut ingerlatani pisortanut qullersaavoq kiisalu taakkununnga missingersuutitigut aamma aqutsinikkut akisussaasuulluni.

Qinnuteqartup piginnaasai:

  • Sammisamut attuumassutilimmik ilinniagaqarsimasoq, aqutsinermik misilittagalik, kulturikkut imaluunnit sunngiffimmi sammisassaqartitsinikkut suliaqarnermut ilisimasalik
  • Qarasaasiamik atuisinnaanermut ilisimasaqarneq.
  • Akisussaassusilik, uninngaannanngitsoq kiisalu sullarissoq. Paasinneriallaqqissoq, pisunik puullaaqiffiusunik qaangiisinnaasoq kiisalu eqaatsumik periusilik. Suleqatikkuminartoq, saaffigiuminartoq patajaatsorlu. Timikkut tarnikkullu peqqissoq. Takorluuisinnaassusilik kiisalu ineriartortitsineq eqqarsaatigalugu nutaaliorsinnaassusilik.
  • Meeqqanut kiisalu inuusuttunut naalakkersuinikkut anguniakkat aallaavigalugit kiisalu Kommune Qeqertalimmi sulisunut malittarisassat atuutut naapertorlugit sulinissamut piumassusilik.

Akissarsiat - atorfininneq - ineqarneq:

  • Akissarsiat- atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
  • Atorfimmut atasumik inissaqartitsisoqarpoq malittarisassat qaqugumulluunniit atuuttut malillugit akiliisoqartassaaq.

Atorfik pillugu paasissutissat annertunerusut Sulisoqarnermut pisortaq Erik Lynge Rasmussen-imut, erl@qeqertalik.gl, oqaraasuaat.: 70 19 00 saaffiginninnikkut pissarsiarineqarsinnaapput.

Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Meeqqanik pinerliisimannginnermut uppernarsaat  atorfinittussap atsiorluni akuersinerata kingorna atorfinitsitsisussamiit Naalagaaffiup politiivinut (Rigspolitiet) pissarsiarineqassapput, pinerlussimannginnermullu uppernarsaat atorfinittussap nammineerluni pissarsiassaraa atorfinitsitsisumullu tunniullugu.

Qinnuteqaat ilinniagaqarsimanermut uppernarsaatinik, oqaaseqaatinik, siornatigut suliffigisimasat pillugit paasissutissanik imalik Kommune Qeqertalik Kangaatsiami tigoreerneqarsimassaaaq sukkanerpaamik

Qinnuteqaat uunga nassiunneqassaaq:

Kommune Qeqertalik Kangaatsiaq

Postboks 513,

3953 Kangaatsiaq

imaluunniit e-mail: hr@qeqertalik.gl