airplanebooksbriefcase business cogs cross election entertainment fish house law lockmedicalpeopleselfservices socialtax

Qeqertarsuup Katersugaasiviani AC-Museumsassistentitut atorfik inuttassarsiorneqarpoq.

Ulluinnarni katersugaasivilerinermi suleqatissarsiorpugut immaqa illerpiaasinnaavoq , suliffik ilikkangassarpassualik ineriartortitseqataaffigisinnaasallu.

Qinnuteqarfissaq:
30. september 2019
Sumi:
Qeqertarsuaq
Ulloq aallartiffik:
1. november 2019
Akissarsiat:
Isumaqatigiissutit malillugit

Suleqat ilinniagartooq sulerusussuseqarluartoq. Katersugaasiveqarnerup iluani suliniutinik ineriartortitsinermik piviusunngortitsinermillu anguniagaqarlutit sulerusuppit: Taava una atorfik ilinnoortuuvoq …

 

Qeqertarsuarmi katersugaasivimmi ikiortitut atorfik inuttaqanngitsoq inuttassarsiuunneqarpoq

1. November 2019.

Katersugaasivimmi ac-museumsassistentip Katersugaasivimmi aqutsisoq qullersarissavaa.

 

Qeqertarsuarmi Katersugaasivik illoqarfiup kulturikkut oqaluttuarisaanera aallaavigalugu  katersugaasiviusoq Katersugaasiveqarneq pillugu inatsisartut inatsisaat nr. 8, 3. Juni 2015-meersoq naapertorlugu suliaqartuulluni. Ulapaarfiup nalaani qaammatini pingasuni katersugaasiviup aqutsisua aammalu katersugaasiviup kustodea sulisarput.

 

Katersugaasivimmi ac-museumsassitentip naattorsuutigisariaqassavaa sapaatip akunnerata naanerani aammalu suliffiup naliginnaasup avataatigut (unnukkut) sulisarnissani. Aasaanera ulapaarfiusarpoq.

Sapaatip akunneranut 40 tiimit suliffiusarput.

 

Suliassaqarfiit akisussaaffiillu:

 

  • Katersugaasiveqarnermut inatsit malillugu katersugaatinik suliaqarnikkut ikiorsiinerit.
  • Torersaaneq immikkoortiterineq, naliginnaasumik.
  • Katersugaatinik nalunaarsuineq.
  • Katersugaasivimmik paaqqinninneq/nakkutiginninneq.
  • Katersugaasiviup ammanerata aammalu aaqqissuussaqarnerata nalaani peqataaneq.

 

Naatsorsuutigaarput:

 

  • Katersugaasiveqarnermut tulluuttumik ilinniagaqarsimassasutit, assassorsinnaasutit IT-lerinermillu paasisimasaqarluassasutit.
  • Katersugaasiveqarneq pillugu tulluuttunik misilittagaqarluarneq imaluunniit kultureqarnikkut suliaqarneq misilittagaqarfigalugu.
  • Arlariinnik oqaaseqartussaatit.
  • Aalajaatsoq, unneqqarissoq, suleqatikkuminartoq, torersaallaqqissoq, inussiarnersoq, tatiginartoq eqaatsorlu.

 

Akissarsiat atorfeqartitaanermilu atugassarititaasut:

Isumaqatigiissutit atuuttut naapertorlugit atorfinitsitsisoqassaaq.

 

Suliffik pissanganartoq neqeroorutigaarput, sulinikkut kulturikkut oqaluttuarisaaneq suleqataaffigalugulu aammalu Kalaallit Nunaata kulturikkut uummassusilerinikkullu ineriartornera iserfigilluartussaassavat.

Meeqqanik innarliisimannginnermut aammalu pinerlussimannginnermut uppernarsaatinik takutitsinissaq piumasaqaataavoq, aammattaaq nipangiussisussaatitaaneq pisussaaffigissallugu.

 

Atorfimmut inissaqartitsisoqarpoq, tassungalu malittarisassat atuuttut malillugit akiliisoqartassaaq, atorfiniffiullu nalaani illoqarfimmi inissaqartitsisoqanngippat utaqqiisaagallartumik inissiisoqarsinnaavoq inigisassap nuuffigeriaannanngornissaata tungaanut.

 

Malittarisassat atuuttut malillugit nuunnermi pigisat/pequtit nassarnissai aammattaaq ilaatinneqarput.

 

Attaveqarfissaq: Atorfik pillugu annertunerusumik paasisaqarusukkuit Katersugaasivimmi aqutsisoq Linda G. Ostermann tlf. 92 29 35-mut imlt. e-mail: lind@qeqertalik.gl-mut attavigisinnaavat.

 

Qinnuteqaat ilinniagaqarsimanermut uppernarsaatit kopivi ilanngullugit aammalu suliffigisimasamiit oqaaseqaataasinnaasut ilanngullugit nalunaaqutserlugulu Katersugaasivik Qeqertarsuaq uunga nassiutissapput: qeqertarsuaq@qeqertalik.gl kingusinnerpaamik

30. September 2019, imaluunniit uunga adressemut:

 

 

KOMMUNE QEQERTALIK

TIMI TARNILU QEQERTARSUAQ

Att: Qeqertarsuaq Museum

Postboks 513,

3953 Qeqertarsuaq