airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Qeqertalik Aasiaat Majoriaq overassistent-imik pissarsiorpoq.

Qinnuteqarfissaq:
23. oktober 2019
Sumi:
Aasiaat
Ulloq aallartiffik:
1. november 2019
Akissarsiat:
Isumaqatigiissutit malillugit.

Majoriaq Aasiaat 1. November 2019 sulilertussamik Overassistent -issarsiorpoq.

 

Inuusuttunik inersimasunillu ingerlariaqqikkusuttunik sullissineq nuannaraajuk. Aqqutissiuussineq nuannaraajuk taamaassappat illiua suleqatissarput. Ataanilu piumasaqaatit naammassisimagukkit qinnuteqarnissarnut tikilluaqqusaavutit.

 

Majoriaq Aasiaat ataani innuttaasunut saaffiginnittarfimmi sullissisuussaaq, saaffiginnittunik sullissisinnaassaaq.

 

Suliassat akisussaaffiillu:

  • Allaffimmi suliassat suliarineqarnissaannut agguataarisimaneq malillugu suliaqarneq

  • Ilinniagaqareersunik, ilinnialerusuttunillu kiisalu suliffissarsiortunik ingerlariaqqikkusuttunik sullissineq

  • Allaffimmi suliassat nalinginnaasut allat

  • Suliffeqarfimmi atorfiup ineriartortinneqarnissaa

  • Sulinerup ingerlanneqarneranut nutaaliornernik aaqqiissutaasinnaasunillu siunnersuineq.

 

Suliamut ilinniagaqarsimanissaq kissaatigineqarpoq, sulilernermi ingerlaannartumik Aasianni innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.

 

Majoriaq Aasianni assigiinngitsunik suliarpassuaqarmat naatsorsuutigaarput sulilertussap tunniusimasuunissaa, suliassallu assigiinngitsut suliakkiissutigineqartut naammassillugit suliarisinnaassagai.

 

Piginnaasat:

  • Suliassamut naapertuuttumik ilinniagaqarsimasoq.
  • Inuusuttuaqqanik, inuusuttunik inersimasunillu sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinnik oqaaseqartoq, kalaallisut qallunaatullu.
  • Suleqatikkuminartoq.
  • Aalajaatsoq.
  • Ulapaarfimmi imminut aqussinnaasoq.

 

Akissarsiaqartitsineq atorfinitsitsinerlu:

  • Atorfeqartitaanermi akissarsiallu pillugit apeqqutit Naalakkersuisut SIK-llu akornanni isumaqatigiissutit naapertorlugit inissinneqassapput.

  • Atorfimmut inissaqartitsisoqarpoq.

 

Nammaginartumik pinerlitsaaliisimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politivinut (Rigspolitiet) pissarsiarineqassapput.

 

Atorfik pillugu paasissutissat amerlanerusut pissarsiarineqarsinnaapput afdelingsleder Karla J.Olsen attavigalugu oqarasuaat 70 19 00 imaluunniit mailikkut; qeqertalik@qeqertalik.gl

 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 23. Oktober 2019, uunga nassiunneqassapput:

Kommune Qeqertalik,

Att. HR-afdelingen,

Postboks 220, 3950 Aasiaat,

E-mail: qeqertalik@qeqertalik.gl

 

Inussiarnersumik qinnuigineqarputit atorfik inuttassarsiorneqartoq sumi takusimanera qinnuteqaaterni allalaaqqullugu.