airplanebooksbriefcase business cogs cross election entertainment fish house law lockmedicalpeopleselfservices socialtax

Allangarsiuteqqitaq: Kommune Qeqertalik, Aasianni paaqqutarinninnikkut ataatsimoorussamik sullissivik Peqqissaasumik sundhedsassistentimilluunniit Utoqqaat ikiortariaqartullu angerlarsimaffiata puiguttornikunut immikkoortortaqarfiani aqutsisumik sulisussarsiorpoq

Paaqqinnittarfimmi immikkoortortami aqutsisoq puiguttornikut immikkoortortaqarfiani ulluinnarni peqqissaanikkut akisussaasuuvoq.
Qinnuteqarfissaq:
18. oktober 2019
Sumi:
Aasiaat
Ulloq aallartiffik:
18. oktober 2019
Akissarsiat:
Isumaqatigiissutit malillugit

Utoqqaat ikiortariaqartullu angerlarsimaffiata puiguttornikunut immikkoortortaqarfiani aqutsisumik sulisussarsiorpoq 01.12.2019 imaluunniiit isumaqatigiissuteqarnikkut sulilersussamik.

 

Kommunimi paaqqinninnikkut ataatsimoorussamik sullissivik KPAS tassaavoq kommunep utoqqarnik ikiortariaqartunillu paaqqinnittarfia angerlarsimaffinnilu ikiorteqarfik.

Paaqqinnittarfimmi immikkoortortami aqutsisoq puiguttornikut immikkoortortaqarfiani ulluinnarni peqqissaanikkut akisussaasuuvoq.

Immikkoortortaqarfimmi aqutsisututut akisussaaffigaatit immikkoortortaqarfimmi najugaqartut 9-t, taamaattorli aamma najugaqartunut 34-nut, qasuersertumullu 1-mut Sygeplejefaglig Stedfortræder peqatigalugu akisussaaqataallutit, najugaqartut immikkortunut pingasunut agguataarneqarput.

Paaqqutarinninnermik ikiortinut 24-usunut ilinniarsimasut ilinniarsimanngittunullu akisussaaqataaneq.

Aqutsisoqatigiit ukuupput: Sygeplejefaglig stedfortræder, paaqqutarineqarnissamut pisariaqartitsinnginnerusut immikkoortortaanut aqutsisoq adm.stedfortræderiusorlu, Angerlarsimaffinni ikiorteqarfimmi aqutsisoq kiisalu Forstanderi.

 

Akisussaaffik:

Ulluinnarni sulisunik aqutsineq kiisalu najugaqartut ataasiakkaat peqqinnissaannut paaqqutarineqarnissaannullu ulluinnarni akisussaaneq, tamatuma ataaniilluni napparsimasut isumaginissaat.

 

Naatsorsuutigaarput illit:

-Ulluinnarni suliassatit nammineq piareersartassagitit, aqutsinikkut, suliassanik ujartuineq, anguniagaqarluni peqqissaanikkut suliassat tungaatigut ujartuisuussasutit.

-Ulapillutit nuannarissavat, tilkaldevagt-eqarneq (angerlarsimaffimmi ulloq unnuarlu pigaartutut piareersimaneq) sap.ak. ataasiakkaarlugit isumagisassallugit.

-Ineriartortitsinermut, suleriutsillu paaqqutarinninnikkut peqqissaanikkullu ilusilernissaannut maligassiuisuussallutit, Kalaallit Nunaanni pissutsinut naleqquttunik. Naatsorsuutigaarput puiguttornikunik sullissinermut, aqutsinermut puiguttornikunullu immikkoortortaqarfimmi sulinermut misilittagaqassasutit.

- Marlunnik oqaaseqartuussasutit. Kalaallisut qallunaatullu atuarlutillu oqalussinnaanissat.

 

Suliassat pingaarnerit / piumasaqaatit:

-Pingaarnertut paaqqutarinninnikkut peqqissaanikkullu pilersaarusiorneq, ineriartortitsineq naliliisarnerlu.

-Ineqartut ataasiakkaat nakkutigalugit / naliliiffigalugit peqqinnissakkut paaqqutarinninnikkullu malinnaaffigalugit.

-Ineqartunik naasaanissamut piareersarneq isumannaarinissarlu. Nakorsaatinut akisussaaneq aammalu napparsimavimmut nakorsiartoqassappat imaluunniit unittoqassappat isumannaarineq.

-Tagiartuinermi sammisassaqartitsiniarnermilu pisariaqartitanik ingerlatsineq.

-Sulisunik nutaanik ilitsersuussineq ilinniartitsinerlu.

-Sulisunik kiisalu ilinniartunik atuartitsineq / ilitsersuineq / ineriartortitsineq

-Ineqartut ataasiakkaat paaqqutarinissaannut isumaginissaannullu suliassanut pisariaqartitsineq malillugu suleqataaneq.

 

Akissarsiat atorfininnermullu pissutsit:

Atorfik isumaqatigiissutit atuuttut malillugit akissaateqartinneqarpoq.

Atorfininnermi angalaneq, pisattanik assartuineq aammalu sulinngiffeqarnermi akiliutsilluni angalasarneq isumaqatigiissutit atuuttut malillugit pisassaaq.

Atorfimmut atatillugu inissaqartitsisoqarsinnaavoq, ineqarnermut akiliutit depositumillu malittarisassat atuuttut malillugit akilerneqartassallutik.

 

Qinnuteqaatit paasissutissanik aammalu ilinniarsimanermut allagartat, autorisation uppernarsaat aammalu suliffigisimasanut uppernarsaatit kingusinnerpaamik 18. Oktober 2019 nallertinnagu uunga nassiunneqassapput:

 

Email: Aas_Alderdomshjemmet@qeqertalik.gl

Imaluunniit allakkatigut uunga:

KPAS

Utoqqaat Ikiortariaqartullu Angerlarsimaffiat/

angerlarsimaffimmilu ikiorteqarfik

Niels Egedesvej 25

Postboks 1- 3950 Aasiaat