airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Qeqertalik-mi sullissivik Aasiaat Inoqarfik-mut kontorfuldmægtig-mik pissarsiorpoq.

Qinnuteqarfissaq:
25. november 2019
Sumi:
Aasiaat
Ulloq aallartiffik:
1. december 2019
Akissarsiat:
Isumaqatigiissutit malillugit.

Kommune Qeqertalik kommuniuvoq nutaaq 1. januar 2018 pilersinneqartoq. Inoqarfik, Sullissivik tassaasoq suliassaqarfiit ilaannut Aasianni ilaasoq pitsaasumik suleqatigiinnissamik piginnaasalimmik kontorfuldmægtigimik pissarsiorpoq. Inunnik sullissinermik nuannarisaqaruit kommunillu nutaap ineriartortinneqarneranut peqataanissamut piumassuseqaruit atorfik kontorfuldmægtig-tut 1. december 2019 imaluunniit isumaqatigiissuteqarnikkut inuttassarsiuunneqarpoq.

 

Kontorfuldmægtig-tut suliaqarnermi makku suliarineqartassapput:

  • Immersugassaq naatsorsuussinermut atortagaq atorlugu innuttaasup aningaasaqarneranik naatsorsuussineq, pisortat ikiorsissutaanimk tunniussisarneq imaluunniit qinnuteqaammik itigartitsineq.

  • Meeqqanut akilersuutinik suliarinninneq.

  • www.sullissivik.gl – imik ilisimasaqarluarneq; nittartakkami paasissutissat qanoq atorneqarnissaannik ilisimaarineqassaaq.

  • Pisariaqartitsisoqartillugu sullissivimmi paarlattaaneq aamma pisariaqartitsisoqartillugu makkunannga suliaqarneq:
    - Ulluunerani paaqqinnittarfiit; paaqqinnittarfimmiilerneq aamma paaqqinnittarfimmiikkunnaarnermik nalunaaruteqarnerit aamma utaqqisut allattorsimaffiannik suliaqarneq.
    - Inuit allattorsimaffiat; qarasaasiami aaqqissuussamut CPR-imut paasissutissanik immiussuineq, nunnerit, inunngortut aamma toqusut il.il.
    - Meeqqat tapii aamma tunniussinermi tunngaviusut malinnaatillugit nutartertarlugit.
    - Imigassallersinnaanermik akuersissutit, eqqaavilerineq aamma anartarfilerineq.
    - Sullissisumik oqaloqateqarniartut piffissamik inniminniissullugit, saaffiginnissutit
    www.sullissivik.gl –ikkut ikiorsiissutigineqarsinnaanngikkaangata.
    - Immersugassanik assigiinngitsunik ilisimasaqarneq; meeqqanut akilersuutit, ineqarnermut tapit, inuit allattorsimaffiinut nalunaarneq il.il.
    -Kontorfuldmægtigi ilaannikkut saaffiginnittarfimmi issiasassaaq. Kiisalu aqutsisoqarfimmi suleqataasarluni.

 

Piginnaasassat:

  • Allaffissornermik / HK-mik ilinniagaqarsimasoq.

  • Naatsorsuuserivimmi misilittagaqarneq iluaqutaasinnaavoq.

  • Kisitsisinik paasinnissinnaaneq, suleqateqarsinnaaneq, akisussaassuseqarneq kiisalu innuttaasunik sullisserusussuseqarneq.

  • Marluinnik oqaaseqartutit, kalaallisut aamma danskisut.

  • Aalajaatsuuneq.

  • Suleriaatsinik nutaanik ilikkarusussuseqarneq.

 

Akissarsiat atorfeqartitaanermilu atugassarititaasut:

Akissarsiatigut atorfininnermilu atugassarititaasut isumaqatigiissut atuuttoq naapertorlugu pissapput. Atorfimmut inissaqartitsisoqarpoq.

 

Atorfik pillugu erseqqinnerusumik paasissutissat Inoqarfimmi aqutsisuugallartumut Aviaq Lange Nielsenip mailianut saaffiginnilluni pissarsiarineqarsinnaapput: avin@qeqertalik.gl –imut imaluunniit oqarasuaat: (+299) 70 1900 atorlugu saaffiginnilluni pissarsiarineqarsinnaapput. 

 

Qinnuteqaat, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik  ulloq 25.11.2019.

Qinnuteqaat uunga nassiunneqassaaq: Email: hr@qeqertalik.gl

Imaluunniit allakkatigut uunga:

Kommune Qeqertalik Aasiaat

Niels Egedes Plads 1

Postboks 220

3950 Aasiaat