airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Allattoqarfik INUA marlunnik oqalutsissarsiorpoq/nutserisussarsiorpoq

Atorfik qinnutigiuk allattoqarfimmi ineriartortumi, ullut tamarmik assigiingitsuusuni.
Qinnuteqarfissaq:
4. februar 2020
Sumi:
Aasiaat
Ulloq aallartiffik:
10. februar 2020 imaluunniit isumaqatigiinnikkut.
Akissarsiat:
Isumaqatigiissutit malillugit.

Kommune Qeqertalik-up qullersaqarfia INUA marlunnik oqalutsissarsiorpoq/nutserisussarsiorpoq 10. februar 2020 -imiit imaluunniit isumaqatigiissuteqarnikkut atorfinittussamik.

Kommune Qeqertalik kommuniuvoq nutaaq 1. januar 2018-imi atuutilersoq. Kommunip atuutilerneraniit aaqqissuussaaneq nutaaq atorlugu aaqqissuussisoqarpoq taaguutillu assigineqanngitsut takuneqanngisaannarsimasullu atorneqalerlutik. Taaguutinik ilaatigut unammillernarsinnaasunik atueqataalernissannut sunneeqataalernissannullu massakkut periarfissaq atorlugu qinnuteqarnissannut periarfissinneqarputit.

Suliassat:

  • Allattanik nutserineq oqaluttaaneq torrutiinnarlugulu.
  • Naalakkersuinermik suliallit ataatsimiinnerini torrutiinnarlugu oqaluttaaneq.
  • Illup iluani avataanilu ataatsimiinnerni, pingaarnertut kalaallisut qallunaatullu oqaatsit atorlugit torrutiinnarlugu oqaluttaasarnerit.
  • Qullersaqarfik suleqatigalugu suliassanik agguataarineq.
  • Nutserussut TMS atorlugu nutserineq.

Naatsorsuutigaarput:

  • Nutserisutut/oqalutsitut ilinniagaqartutit imaluunniit tamatumuuna piginnaasaqarlutit uppernarsaateqartutit.
  • Qarasaasiamik nalinginnaasumik atuisinnaasutit.
  • Allaffissornermik piginnaasaqartutit.
  • Namminersorlutit sulisinnaasutit.
  • Suliakkiutigineqartunik eqinnaatsumik sullissisinnaasutit.
  • Suleqatikkuminartutit, ammasoq, suleqatinut qanilaartoq qiimasorlu.
  • Nutserissut TMS misilittagaqarfigigit.

Aamma makku pingaartippagut:

  • Avammut kiinnerluarsinnaasutit, isumassarsiorsinnaasutit, isumagissaartuusutillu.
  • Torersaarluarsinnaassuseqartutit.
  • Namminersorsinnaassuseqartut piffissanilu ulapaarfiusuni sulianik malinnaalluarsinnaasutit.
  • Suliffeqarfimmi immikkoortortaqarfiit tamaasa suleqatigisinnaagitit.

Akissarsiat atorfeqarnermilu atugassarititaasut:

Atorfininnerup nalaani Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit akissaateqartitsisoqarlunilu atorfinitsitsisoqassaaq.

Atorfik inissaqartitsivoq, maleruagassat atuuttut naapertorlugit qularnaveeqqutit/ineqarnermut akiliutit ilaalu ilanngullugit akilerneqartassapput. Malittarisassat atuuttut naapertorlugit atorfininnermi soraarnermilu angalanissaq pisattallu nassiunneri suliffeqarfimmit akilerneqassapput.

Paasissutissat:
Atorfimmut tunngasumik annertunerusumik paasiniaaffigineqarsinnaavoq allattoqarfimmi pisortaq Flavia Lyberth, oqarasuaat 38 70 69, imaluunniit e-mail flav@qeqertalik.gl  

Qinnuteqaat “oqalutsi/nutserisoq“-imik nalunaaqqutserlugu, ilinniakkamut uppernarsaammik siornatigullu suliffigisimasamit oqaaseqaatinik ilalerlugu kingusinnerpaamik Aasianni sulisoqarnermut immikkoortortaqarfimmit tiguneqareersimassaaq 4. februar 2020 uungalu nassiunneqassalluni: hr@qeqertalik.gl

Imaluunniit uunga:

Kommune Qeqertalik
Niels Egedes Plads
Postboks 220, 3950 Aasiaat

Una toorlugu suliffiit inuttassarsiukkat allat takukkit.