Attumi Pinngortitami Isumalluutinut Isumalioqatigiissitaq nersornaammut piukkunneqartoq 

12. september 2018

 

 

Attumi Pinngortitami Isumalluutinut Isumalioqatigiissitap Nunat Avannarliit Siunnersuisoqatigiivisa avatangiisinut nersornaataannut 2018-imut piukkunneqarnera

Attumi Pinngortitami Isumalluutinut Isumalioqatigiissitaq, tassaasut sumiiffimmi aalisartut piniartullu, imaani avatangiisit pillugit suliniuteqartuupput. Pinngortitamik nakkutigiinnittuupput, ingerlatsinermi suliniuteqartoqarnissaanik siunnersuuteqartarlutik ullutsinnilu ilisimatuussutsikkut suliatigut ikiuuttarlutik sumiiffimmilu akisussaaqataaneq qulakkeertarlugu.

Suliniarneq Nunat Avannarliit Siunnersuisoqatigiivisa avatangiisinut nersornaataannut 2018-imut piukkunneqartunut ilanngunneqaqqammerpoq, tassani ukioq manna sammineqartut tassaallutik imaani uumassuseqarnermik illersuinerit suliniutit.

Avatangiisinut nersornaaserneqartussaq Oslomi Nunat Avannarliit Siunnersuisoqatigiivisa katersuunnerinut atatillugu ulloq 30. oktobar 2018-imi tamanut saqqummiunneqassaaq. Nersornaatip aningaasartai 350.000 danskit koruuniupput.

Nunat Avannarliit Siunnersuisoqatigiivisa avatangiisinut nersornaataannut 2018-imut piukkunneqartut suliniutit quliupput. Piukkunneqartut pillugit uani annertunerusumik atuarit: Nordisk Rådip nittartagaa.

Annertunerusunik paasissutissanik pissarsiniaruit attavigissavat immikkoortortami pisortaq Karen A. Motzfeldt: karm@nanoq.gl imaluunniit oqarasuaat: 346019

 

Najoqqutaq: https://naalakkersuisut.gl/kl-GL/Naalakkersuisut/Pisut/2018/09/1109_norminering