Kommuni pillugu

 

Illoqarfiit
Aasiaat	2.931
Qasigiannguit	1.006
Qeqertarsuaq	842
Kangaatsiaq	477
Nunaqarfiit
Niaqornaarsuk	234
Attu	195
Ikerasaarsuk	89
Akunnaaq	62
Iginniarfik	66
Ikamiut	81
Kitsissuarsuit	57
Kangerluk	8

Kommuni Qeqertalimmi katillugit innuttaasut: 6.048¹

¹ Sep. 2023-imi innuttaasut amerlassusaat

 

Kommune Qeqertaliiup qitiusumik allattoqarfia Aasianni inissisimavoq. Aamma Aasianniippoq Avannaani Ilinniarnertuunngorniarfik (GU).

Ukiumoortumik aaqqissuunneqartartut:
Midnight Sun Marathon
Nipiaa Rock Festival

2009 aggustimi Kalaallit Nunaanni efterskole-t siullersaat, Villads Villadsen-ip Efterskolia Qasigiannguani ammarneqarpoq.

Illoqarfimmi pigineqarpoq Kalaallit Nunaanni illut pisoqaanersaat 1734-meersoq maanna katersugaasiviusoq. Suliniummi ”Inoqarfik uumassusilimmi” katersugaasivik najukkami innuttaasunik akuutitsivoq.

Qeqertarsuaq qeqertami Qeqertarsuarmiippoq. Qeqertaq qaqqanit innermit anitsisartunit pinngorsimasunik, imermik uunartunik puilasunik pilik kiisalu kuanneqarluartoq allanit assigineqanngilaq.

Illoqarfiup qulaaniippoq Unartuarsuup Sermia aasaanerani qimusserfigineqarsinnaasoq.
2016-imi ivigaasaaqqanik arsaattarfik atoqqaarfissisorneqarpoq.

Kommune Qeqertalimmi illoqarfiit kujallersaat tassaavoq Kangaatsiaq. Illoqarfik Kalaallit Nunaanni nutaanersaavoq tassa aatsaat 1986-imi illoqarfittut isigineqalermat, soorunami najugaqarfik pisoqaaneruvoq.