airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Inoqarfik Aasianni suliniutinut akisussaasumik sulisussarsiorpoq

Kommunimi pissanganartumi ineriartortuartumilu nunaminertamik sanaartukkanillu sullissisusunngorit
Qinnuteqarfissaq:
15. februar 2020
Sumi:
Aasiaat
Ulloq aallartiffik:
1. marts 2020
Akissarsiat:
Isumaqatigiissutit malillugit.

Kommune Qeqertalik tunniusimasumik, suliniutinut akisussaasumik allanngueqataarusuttumik ineriartornermullu malinnaasumik pissarsiorpoq, 1. marts 2020-mi atorfinittussamik imaluunniit isumaqatigiissuteqarnikkut. Aasianni sanaartornerup iluani suliaqassaatit. Pingaarnertut sullissineq siunnersuinerlu suliarisassavatit.

Suliniutinut akisussaasup Inoqarfik Aasianni aqutsisoq qaninnertut aqutsisorissavaa. Atorfik Inoqarfik Aasiaat ataanissaaq allaffeqassallunilu Aasianni.

Atorfiup imaa:

Kommune Qeqertalik ineriartortuuvoq 1. januar 2018-mi pilersinneqartoq, taamaattumik ineriartortitseqataarusuttumik suliniutinut akisussaasumik pissarsiorpugut. Kommunimi akimortumik suleqatigiissinnaaneq piginnaasaqarfigisariaqarpoq innuttaasunik sullissilluarneq qulakkeerniarlugu.

Suliassat akisussaaffiillu:

Suliassavit ilagissavaat:

  • Nunaminertalerineq sanaartugassanillu suliaqarneq
  • Ataqatigiissaarineq, pilersaarusiorneq illoqarfimmilu sanaartukkanik assigiinngitsunik naammassinninnissaq kommunemi illoqarfimmi pilersaarusiortoq ingeniørilu suleqatigalugit
  • Illoqarfimmi suliniutinik sulianik akisussaasuuneq, ilaatigut aningaasaqarnikkut, piffissaq pitsaanerpaamilllu qulakkeerinninnissaq suliassat pitsaasumik isumannaannerpaamillu naammassinissaannut
  • Kommunip illuutaannik aserfallatsaaliinissamik qulakkeerinninneq
  • Aasianni sanaartugassanut tunngasunik paasissutissanik suliaqannginnermi katersuineq
  • Kommuunip sanaartukkanik suliassaanik suliariumannittussarsiuussinermi atortunik suliaqarneq
  • Kommunip illuutaannik aserfallatsaaliinissamut pilersaarusiorneq
  • Sanaartugassanut tunngatillugu politikkikkut aalajangiussanik suliaqarneq
  • Kommunip suliassaannik sulianik pitsaasumik qulakkeerinninneq
  • Suliassallu allat assigiinngitsut.

Naatsorsuutigaarput:

Kommunip kissaatigaa qinnuteqartoq suliamut piginnaasai pitsaasuussasut:

  • Piumasaqaatit malillugit bygningskonstruktøritut, ingeniøritut assingusumilluunniit teknikkimut tunngasumik ilinniarsimanissaq.
  • Kommunemi suliaqarlutit misilittagaqareersinnaavutit politikkikkullu suleriutsinut paasisimasaqarlutit.
  • Suleqatigiinnermi oqaloqatigiissinnaanermilu aallutaqarusunneq, suliffiup iluani avataanilu attaveqarusussuseq suleqatiginnissinnaanerlu eqqarsaatigalugit .
  • Sulianut piginnaasannut paasissutissiilluartartoq suleqatigiissitanut tamanut.
  • Ilisimasaqarnissat sakkussanut assigiinngitsunut, soorlu Office-mut, ArcGIS, Mapinfo, AutoCAD.
  • Aammalu GIS-imi suliaqarnermi ilisimasaqareersinnaavutit.
  • Inussiarnersuuvutit, nuannaartuullutit, ulapaarfinni sulerusussuseqartuullutit piffissarlu eqqorlugu naammassinnissinnaallutit.
  • Suleriaatsinik nutaaliorusussuseqarlutit ineriartortitserusupputit, peqqissaartuullutit sulianullu ataatsimut isigisumik piginnaasaqarlutit.
  • Sivisuumik atorfimmut atorfeqarusussuseqassaatit.

Neqeroorutigaagut:

Suliffik pissanganartoq nammineerlutit aallutaqarlutit sunneeqatigisinnaasannik akisussaaffimmillu tigusisinnaallutit illoqarfiup kommunillu ineriartornissaanut. Pingaartipparput suliffiup suliffeqarfiullu pitsaasumik ingerlanneqarnissaa, kiisalu qulakkeerneqartussaalluni suleqatigiinnerup annertusarneqartuarnissaa nukittorsarneqartuarnissaalu.

Akissarsiat atorfinitsitsinermullu tunngasut:

Akissarsianut atorfininnermullu tunngasut pissaaq isumaqatigiissutit atuuttut naapertorlugit.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kommunip inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput.

Nuunnermut aammalu nutsernermut akiliussisoqarsinnaavoq malitassat naapertorlugit.

Atorfik inuttalerneqassaaq kingusinnerpaamik ulloq killiliussaq naapertorlugu imaluunniit isumaqatigiissusiornikkut. Atorfimmut paasissutissanik paasiniaasoqarsinnaavoq Inoqarfik Aasianni aqutsisoq Aviak Lange Nielsen-mut avln@qeqertalik.gl

Qinnuteqaat namminermut tunngasut, ilinniagarisimasaq, soraarummeernermut uppernarsaatip assilinera ilanngullugu nassiunneqassapput kingusinnerpaamillu tiguneqarsimassallutik HR immikkoortortaqarfianut tallimanngorneq 15. februar 2020.

email-mut: hr@qeqertalik.gl

imaluunniit allakkatigut:

Kommune Qeqertalik,
Niels Egedes Plads 1,
Postboks 220,
3950 Aasiaat.

Una toorlugu suliffiit inuttassarsiukkat allat takukkit.