airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Kommune Qeqertalik Allatseqarfimmut Pisortassarsiorpoq

Kommune Qeqertalimmi Allatseqarfimmut Pisortamik sanngisuumik pikkorissumillu pissarsiorpoq 1. maj 2020-miit, immaqaluunniit isumaqatigiissuteqarnikkut atorfinittussamik pissarsiorpoq. Atorfik Aasianniippoq.
Qinnuteqarfissaq:
14. april 2020
Sumi:
Aasiaat
Ulloq aallartiffik:
1. maj 2020
Akissarsiat:
Isumaqatigiissutit malillugit.

Allatseqarfimmi pisortatut politikkikkut aalajangiinerit patajaatsumik pitsaasumillu aaqqiissuteqarfigalugillu iliuuseqarfigisassavatit, pisortaqatigiillu peqatigalugit kommunimi siunnerfilimmik ineriartorneq siuttuuffigissavat. Tamatumunnga atatillugu Borgmesteri, Kommunalbestyrelse, Ataatsimiititaliaq Inua aamma nunaqarfimmi aqutsisut ataavartumik akisussaaffigissavatit. Tamannarpiarlu peqqutigalugu pingaaruteqarluinnarpoq, suliffeqarfimmi politikkikkut aqunneqartumi uppernarsaatitalimmik misilittagaqarnissat.

Allatseqarffimmi pisortatut inussiarnersumik oqartussaasutut inissisimaffeqassaatit, suna tamaat malinnaaffigisinnaassallugu suleqatigiit inuillu ataasiakkaat oqaloqatigisinnaassallugit, aammalu ingerlatsivimmi soqutigisaqaqatigiit suleqatigisallu assigiinngitsorpassuummata namminiussuseqarluarlutillu. Tatiginnittunik attaveqaateqalissaatit, suliffeqarfik siunnerfilimmik sullissavat, suliassallu ajunngitsumik nutaaliortumillu isumagisinnaassallugit.

Illit sulisut sinneri peqatigalugit ataqatigiissitsilluassaatit, sulisullu sanngisuut pikkorissullu borgmesteritsinnut pisortaanitsinnullu toqqammavissat pilersissallugit.

Atorfiup imarisai

Suliassat ingerlatsinerillu ilaatigut makku isumagisassavatit:

  • Borgmesterip, kommunalbestyrelsip, pisortaanerup, Ataatsimiititaliaq Inua, politikerit, nunaqarfimmi aqutsisut pisortaqatigiillu alajangernissamut tunngavissaannik qulakkeerinissaq
  • Allatseqarfiup, tassungalu ilanngullugu Siunnerfilersuiffiup politikkikkut qitiutitsinissaat qulakkiissallugu, atuutilersitsinissamullu politikkikkut allaffissornikkullu suliakkiissutigineqartut pisortaqatigiit suleqatigalugit inerisaanissaq
  • Suliassat eqqortumik pingaarnersiuinissamik qulakkeerinissaq
  • Suliassaqarfinni ataqatigiissaarisut qitiusumi inissisimasut najukkanilu Innuttaasunut Sullissivinni aqutsisunik erseqqissumik suleqatigiinnikkut attaveqarnissaq, ataatsimoorfeqarnermi pisussaaffeqarnermilu katersuuffissamik qulakkeerinissaq
  • Suliassaqarfinnit assigiinngitsuneersut ataasiakkaat ikorfartortarnissaat
  • Kommunimi inoqarfinni qanimut suleqatigiittoqarnissaanik qulakkeerinissaq, ataqatigiittoqarfiunissaa, ataatsimoortumillu paaseqatigiinnissaq anguniarlugu
  • Politikkikkkut ataatsimiinnerit ataqatigiissarnissaat ingerlanneqarnissaallu akisussaaffigalugu, tamatumunnga ilanngullugu pisortaaneq qanimut suleqatigalugu ataatsimiititat akornanni suleqatigiinnerup nukittorsarneqarnissaa
  • Suliniutinik ingerlatsineq aqutsinerlu, aammalu isumassarsianik aalajangiinernillu iliuuserisanngortitsinissamut, najoqqutassiinissamut aaqqiissuteqarnissamullu, suliaqarsinnaanermik ineriartortitsinnaanermillu piginnaaneqarnissaq

Ilinnut tunngasut

Piukkunneqartoq sulisorerusunneqartoq makkuninnga piginnaasaqarpoq:

  • Naleqquttumik qaffasissusilimmik ingerlaqqittumik ilinniagalik
  • Pitsaasumik suliassanik aaqqiiniarnermi uppernarsaatitalimmik piareersarluakkamik, atorluarsinnaasumik siunnerfilimmillu pingaarutilimmik misilittagalik
  • Suliffeqarfimmi politikkikkut aqunneqartumi annertuumik misilittagalik
  • Paasiniaaqqissaarsinnaassusilik
  • Suleqatiginnissinnaanermik piginnaanilik, ammasumik eqaatsumillu pissusilik
  • Allattariarsornikkut oqaasiinnakkullu erseqqissumik nalunaarfiginnittartoq
  • Aallartitsisinnaanermik, iliuuseqallaqqissusermik namminersorsinnaassusermillu takutitsisoq
  • Malinnaasinnaajuarluni assigiinngitsorpassuarnik suliaqarsinnaasoq
  • Inuttut sanngisooq
  • Suliffeqarfimmi ineriartortumi politikkikkut aalajangiinernik ajornakusoortunik iliuuseqartitsisinnaasoq

Neqeroorutigaarput

Suliffik pissanganartoq unammillernartorlu, imarisassaanik nammineq sunniuteqarfigineqarsinnaasoq, suliffeqarfimmilu angisuumi ajornakusoorfiusumilu annertuumik akisussaassuseqarfiusoq. Inuttut suliatigullu ineriartornissamut periarfissaqarluarpoq, aammalu atorfimmut suliffimmullu iserluartinneqarnissaq pingaartipparput. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut assigiinngitsunillu suliaqarnissamut inissaqartitsiffiusoq.

Akissaatinut atorfinitsitaanermullu tunngatillugit atugassarititaasut:

Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.

Atorfimmut atatillugu inissaqartitsisoqassaaq, malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaat:

Qinnuteqaat ilisarnaaserlugu “Allatseqarfimmi Pisortaq”, aamma ilinniagaqarsimaneq siornatigullu sulisimanermik pillugit paasissutissartalik, CV-it aammalu soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ulloq 14. april  2020 Qullersaqarfimmit tiguneqareersimassaaq.

Atorfik pillugu annerusumik paasiniaasoqarsinnaavoq uunga saaffiginningit pisortamut Thomas Holm Jensen e-mail: thj@qeqertalik oqarasuaat 38 73 16.

Imatut qinnuteqaateqassaatit:

Qinnuteqaatit e-mail-imut uunga hr@qeqertalik.gl nassiuguk.

Imaluunniit allakkatigut qinnuteqaatit uunga nassiullugu:

Kommune Qeqertalik
Niels Egedes Plads 1
Postboks 220
3950 Aasiaat

Una toorlugu suliffiit inuttassarsiukkat allat takukkit.