airplanebooksbriefcase business cogs cross election entertainment fish house law lockmedicalpeopleselfservices socialtax

Kangaatsiap atuarfia aamma Atuarfik Kristian Lundblad ilinniartitsissussarsiorpoq

Atuarfiit atuartitsinikkut ineriartorfiusut, atuartut peqatigalugit angusassiornerit pingaartillugit sulilu ineriartortillugit sulisut.
Suleqatigiit suleqatigiilluarnissamik allannguinissamillu ineriatortitsissut peqataaffigikkit.
Qinnuteqarfissaq:
14. juni 2020
Sumi:
Kangaatsiaq aamma Niaqornaarsuk
Ulloq aallartiffik:
1. august 2020 allatulluunniit isumaqatigiissuteqarnikkut.
Akissarsiat:
Isumaqatigiissutit malillugit.

Kommune Qeqertalik Kangaatsiaq, Kangaatsiap atuarfiani ilinniartitsisumik nukarlerni fagini tamani aamma Niaqornaarsummi Atuarfik Kristian Lundbladimi qallunaatut, matematik, tuluttut kulturimi inuiaqatigiilerinermilu atuartitsinermik ingerlatsisinnaasumik 1. august 2020 atorfinittussamik allatulluunniit isumaqatigiissuteqarnikkut.

Qinnuteqarfissaq kingusinnerpaamik sapaat 14. juni 2020

Qinnuteqaat ilisarnaaserlugu Kangaatsiap atuarfia imaluunniit atuarfik Kristian Lundblad uunga nassiuguk e-mail: HR@qeqertalik.gl  

Kangaatsiap atuarfiani atuartut 80 missaaniipput. Atuartut 1.kl – 4.kl immikkut atuarfeqarallarput piffimmi allami. 5.kl – 10.kl atuarfitoqannguatsinni atuarfeqarlutik atuarfittaarnissatta tungaanut. Ataurfik Kristian Lundbladimi atuartut 1.- 9.kl 35 missaaniipput klassinut ukioqatigiinngitsunut 5-nut agguarsimallutik.

Atuarfiit atuartitsinikkut suleqatigiinnikkullu assigiinngitsutigut ineriartuleruttorfimmiippoq, ineriartortitserusuttullu suleqataaffigerusukkukkit qinnuteqarit. Annertunerusumik paasisaqarusunnermi atuarfiup pisortaanera saaffigineqarsinnaavoq: Sussi Adelholm tlf: +299 872138 e-mail: suad@qeqertalik.gl  

Atorfinitsitaanneq pissaaq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat naapertorlugu. Qinnuteqartut, Kalaallit Nunaanni tjenestemand-itut atorfillit, atorfinitsitinneqarnerminni pigiinnassuaat.

Akissaatit- atorfinitsitaanermillu pissutsit, taakkununnga ilaallutik atorfininnermi angalaneq pequtaanillu tikisitsinermi pisinnaatitaaffiat pissooq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat tunngavigalugu.

Atorfinitsitaaneq aamma pisinnaavoq ”Ukiunut aalajangersimasunut immikkut atugassaqartitaalluni” Kalaallit Nunaanni Namminersorlutik Oqartussat aamma IMAK-ip isumaqatigiissutaat naapertorlugu, aammattaaq 1. april 1991-imi tunngaviusumik ukiumut 18. 000 kr-nik aningaasartaliivigineqarsimasut, 1. April 2017 20.253,72 kr-nngorsimasut, tunuarnermi tunniunneqartarlutik, kiisalu atorfeqartumut ilaqutaanullu ukiukkaartumik sulinngiffeqarnermi angalanermi akiliunneqartarlutik.

Inissaqartitsisoqassaaq, maleruagassallu naapertorlugit akiliisarneq pissaaq.
Inatsisit malillugit piumasaqaataavoq, meeqqanik pinerlissimannginnermi- aamma pinerlissimannginnermi uppernarsaammik aallertoqarnissaa.

Qinnuteqaat makkuninnga paasissutissanik imaqassooq: Ilinniagaqarnermut uppernarsaat, siusinnerusukkut suliffigisimasat, il.il., qinnuteqarfissap killissarititaa tikitsinnagu Kangaatsiap atuarfianeeriissapput.

Una toorlugu suliffiit inuttassarsiukkat allat takukkit.