airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Qeqertalik suliassaqarfimmi INOQARFIK-mi aqutsisussamik pissarsiorpoq

Kommune Qeqertalik suliassaqarfimmi INOQARFIK-mi aqutsisussamik pissarsiorpoq.
Qinnuteqarfissaq:
10. juni 2020
Sumi:
Kangaatsiaq
Ulloq aallartiffik:
1. august 2020
Akissarsiat:
Isumaqatigiissutit malillugit.

Kommune Qeqertalik nutaamik allaffissornikkut innuttaasut sumiiffinni, kulturikkut aamma sullinneqarnermikkut pisariaqartitaat aallaavigalugu pilersinneqarpoq.

Suliassaqarfik INOQARFIK-mi nutaamik ilusilersuinissamut sapiutinngilatit?

Innuttaasunik sullissinerup pitsanngorsarneqarneranut sullisseqataarusuppit aamma sulisunik aqutsineq misilittagaqarfigaajuk assigiinngiiaartunillu suliaqarneq soqutigalugulu sungiusimaviuk? Taava atorfik una ilinnut tulluuppoq.

Kangaatsiami suliassaqarfik INOQARFIK-mi aqutsisussamik 1. august 2020 imaluunniit isumaqatigiissuteqarnikkut sulilertussamik pissarsiorpoq.

Kangaatsiami sulliviit pisortaat qaninnertut pisortarissavat.

Suliassaqarfiit akisussaaffiillu ilaatigut makkuupput:

  • Suliassaqarfik INOQARFIK-mi ataqatigiissaarineq aqutsinerlu
  • Suliassaqarfik INOQARFIK-mit innuttaasut sullinneqarnerisa ataqatigiissarnissaannut pitsanngorsarnissaanullu aaqqissuussineq
  • Suliassaqarfimmi nutaamik suleqatigiittussanik ilusilersuineq
  • Suliassaqarfinnik allanik qanimut suleqateqarneq

Piginnaasat:

  • Akisussaaffimmut attuumassutilimmik qaffasissumik ilinniarsimaneq
  • Sulisunik aqutsinermut ilinniarsimaneq misilittagaqarnerluunniit
  • Sulianik assigiinngitsunik ataatsikkut ingerlataqarsinnaaneq
  • Suleqatigiuminartoq
  • Aalajaatsoq
  • Suleqatinut kaammattuisinnaallunilu siunnersuisinnaasoq
  • Ulapaarfimmi imminut aqussinnaasoq
  • Sullitanit suleqatinillu saaffigiuminartoq

Akissaatit atorfininnermilu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqarpoq inatsisit atuuttut naapertorlugit.

Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinitsitsisussamiit Naalagaaffiup politiivinut (Rigspolitiet) pissarsiarineqassapput.

Atorfik pillugu paasissutissat allat pisortaagallartumutut oqarasuaat 70 19 00 imaluunniit e-mailikkut thj@qeqertalik.gl atorlugu saaffiginninnikkut piniarneqarsinnaapput.

Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 10. juni 2020, uunga nassiunneqassapput:

Kommune Qeqertalik
Att. HR- afdeling
Postboks 220
3950 Aasiaat

Imaluunniit e-mail: hr@qeqertalik.gl

Una toorlugu suliffiit inuttassarsiukkat allat takukkit.