e-Boks-ikkut allakkat digitaliusut

Ulloq 1. januar 2021 aallarnerfigalugu Kalaallit Nunaanni innuttaasut tamarmik 15-ileereernikut Pisortani Digitalimik Allagarsisalernissaminnut pisussaaffeqalissapput. Tamanna isumaqarpoq NemID atorlugu e-Boksimut atuisartunngornissat isumagissagit.

 

e-boks
e-Boks-imut atuisuussaatit allagarsiatit digitaliusut iserfigisinnassagukkit.

Pisortatigut oqartussaasunit allagarsiassatit digitaliusut pingaarutillit tamarmik isumannaatsumik e-Boksimiittassapput. Taakkulu qarasaasianniit, tabletsinniit smartphonenniillu atuarsinnaavatit.

NemID
e-Boks atorsinnaassagukku NemID-qassaatit. NemID akeqanngitsoq ataani taaneqartut aqqutigalugit pissarsiarisinnaavat:

• Najugarisanni innuttaasunut sullissivimmi nunaqarfimmiluunniit kommuunip allaffianut saaffiginnissaatit. Makku arlaata nassarnissaa eqqaamassavat:
  • passi atuuttoq
  • biilersinnaanermut allagartaq
  • kuisinnermut allagartaq najugaqarnermullu uppernarsaat
• Aningaaseriviit aqqutigalugu
• Nittartagaq NemID.nu iserfigalugu NemID-ssat inniminnersinnaavat. Qarasaasiakkut NemID-mik inniminniiniaruit Danmarkimi imaluunniit Kalaallit Nunaanni passi atuuttoq pigisariaqassavat.

NemID pillugu annertunerusumik uani atuarit, ilitsersuutitulluunniit videoliat takullugit

NemID App
e-Boksimut nittartakkanulluunniit allanut NemID-imik digitalikkut atugaqartunik isernissamut akuersissuteqarnissaq kissaatigigukku, NemID App-i App Store-mi imaluunniit Google Play-imi aasinnaavat.

NemID App-i atuutilersinniarukku nøglekortit atussavat. App-ip ikkussorneranut ilitsersuutit malittarikkit.

 

e-Boks Kalaallit Nunaanni digitalimik allakkanut aaqqiissutissatut toqqarneqarnikuuvoq, illillu internettikkut digitaliusumik allagaateqarfigivat.

Illit e-Boksit inuttut normunnut atavoq inuunerillu tamaate-Bokserissavat, allamut nuukkaluaruit allamilluunniit e-mailadresseqaleraluaruit.

NemID atorlugu isereeruit allagaateqarfinni oqaatsit atorneqartut kalaallisuumut nuutsissinnavatit.

Imaasiussaatit:

1. Nittartakkap naqqa takusinnaanngikkukku qupperneq ammukartissavat, naqqata takusinnaalernissaata tungaanut.



2. e-Boksip ilisarnaataata talerpiata tungaani oqaatsinik toqqaanissamut periarfissaqarpoq. Muusivit skærmimi inissisimaffia kipparissup iluanukartissavat toorlugulu, toqqagassat nuisillugit.



3. Muusip skærmimi inissisimaffia kipparissup talerpiata tungaanukartissavat oqaaserlu toqqarusutat nuisinniarlugu muusimik qupperneq ammukartillugu. Toqqagassani Kalaallisut naqqarliuvoq.

e-Boksimi atortorissaarutit browserinit operativsysteminillu sapinngisamik amerlasuunit atorneqarsinnaanissaat e-Boksip sulissutigaa.

e-Boksip innersuussutigaa uku operativsystemit browserillu arlaat atussagitit:

Operativsystemi:

• Microsoft Windows
• Apple MacOS X
• Linux

Browseri:

• Microsoft Internet Explorer (version 6 nutaanerluunniit)
• Mozilla (Firefox, Netscape assingusorluunniit)
• Opera (version 7 nutaanerluunniit)
• Safari
• Google Chrome

PDF:

• Adobe Acrobat (version 6.0.1 nutaanerluunniit innersuussutigineqarpoq)
• Adobe Reader (version 6.0.1 nutaanerluunniit innersuussutigineqarpoq)

Adobe Reader akeqanngitsumik uani aajuk (Nutaamik ammaassaatit)

e-Boksimi karseqqaat nuisartut
e-Boksip atortorissaarutitik arlallit karseqqaanik nuisartortaqartippaat.. Taamaattumik nuisartut nuisarunnaartissimagukkit nuisarsinnaaqqilersissavatit.

 

Smartphoninni e-Bokseqarsinnaavutit.

1. App Store-mi imaluunniit Google Play-imi App aajuk
2. Ilitsersuutit malittaralugit NemID atorlugu iserit

 

e-Boksimi inunnut normunik atuineq inatsisitigut sukangasoorujussuarnik malitassaqartitsivoq, Danmarkimilu Datatilsynimit nakkutigineqarlunilu akuerisaalluni.

e-Boksimi isumannaallisaaneq pingaarnerpaatut salliutinneqarpoq, illillu paasissutissaatitit isumannaatsumiitinniarlugit e-Boksip iliuusissatut najoqqutassat tamaasa malippa.iIllit e-Boksillu akunnissinni attaveqaqatigiinnerit tamarmik allaniit iserfigineqaqqunagit paasiuminaallisagaapput.

Paasissutissat KMD-mi qarasaasiaqarfimmi isumannaallisakkami toqqortarineqarput, taannalu isumannaallisaanermut najoqqutassanik sakkortunerpaanik malittarisaqarpoq. KMD tassaavoq Danmarkimi it-nut aamma software-nut suliaqartunut suliffeqarfinni anginerpaat ilaat.

 

Digitalikkut allagarsiavit takusarnissannut innuttaasutut inatsisitigut pisussaaffeqarputit. Tamanna isumaqarpoq digitalimik allagarsiavit alakkartarnissai/nakkutiginissai pisussaaffigigit.

Allagarsiatit alakkarneq ajorukkit allakkat pingaarutillit ilinnit akisariallit arajutsisinnaavatit, soorlu akiligassat pisortaniillu nalunaarutit.

Allagarsiatit digitaliusut alakkartannginnerisigut allagarsiavit nakkutiginissaanut akisussaasuunerit taamaatissinnaanngilat, pissutigalugu allakkat digitaliusut nassitsisumit nassiunneqaraangata innuttaasumut tiguneqartutut isigineqartarmata.

Taamaattumik pingaaruteqarpoq digitalikkut allagarsiavit alakkakulasarnissai.

 

Ulloq 1. januar 2021 aallarnerfigalugu Kalaallit Nunaanni innuttaasut 15-iniit qummut ukiullit tamarmik Pisortani Digitalimik Allakkanut allagarsisalernissaat inatsisitigut pisussaaffiulissaaq.

Pisussaajunnaartinneqarnissamut najoqqutassani minnerpaamik ataatsimik naapertuutsitsiguit Pisortanit Digitalimik Allakkanik allagarsisarnissannut pisussaajunnaartinneqarsinnaavutit:

• 1. januaari 1950 sioqqullugu inunngorsimaneq
• Timikkut eqqarsartaatsikkulluunniit innarluuteqarneq
• Qarasaasiassaqannginneq internettimulluunniit attaveqaatilimmik atortorissaarutissaqannginneq
• Kalaallit Nunaanni najugaqavikkunnaarsimaneq
• Oqaatsit tungaasigut aporfeqarneq
• NemID-mik pissarsisinnaannginneq assersuutigalugu nunani allaniinneq pissutigalugu

Pisussaajunnaartinneqarnissamut qinnuteqarniaruit kommunip innuttaasunut sullissivianut saaffiginnissaatit immersugassarlu immersorlugu. Inummut allamut, soorlu ilaqutarisamut illit sinnerlutit ornigussinnaasumik nalunaaruteqartitsisinnaanissaq periarfissaavoq.

 

Ilinnut ikiuisarnitsinnut pitsaanerulersinniarluta ikiortigut. Apeqqutissaqaruit ilitsersuunneqarnissarluunniit pisariaqartikkukku Digitalimik Sullissinermut Aqutsisoqarfimmut e-mailimik allagaqarsinnaavutit, ugguuna:

digitalpost@nanoq.gl

Sammisamut allattuiffissami “e-Boks” allassavat.

• Allakkat Digitaliusut
• Pisortani Digitalimik Allakkerinermut ikiorneqarneq
• e-Boks imatut atussavat