airplanebooksbriefcase business cogs cross election entertainment fish house law lockmedicalpeopleselfservices socialtax

Eqqumiitsuliornikkut sulialinnut tapiissutinik qinnuteqarit

Maana qinnuteqarit

Paasissutissat nalinginnaasut 

Eqqumiitsuliornermut Aningaasaateqarfik nunatsinni eqqumiitsuliornermik inuussuteqartut tapersersorusuppaat taamaattumillu eqqumiitsuliortut eqqumiitsuliornermut suliaqartunut tapiissutinik, eqqumiitsuliortut qaammammut isertitaqalernissaannik qulakkeerinnittunik, qinnuteqaateqarnissaminnut periarfissaqarput.

Piumasaqaatit 

Eqqumiitsuliornermut suliaqartunut tapiissutit inuussutissarsiutigalugu eqqumiitsuliornermik suliaqartunut pilersitsisunullu tunniunneqartarput. Aammalu periarfissaavoq eqqumiitsuliortutut piukkunnartunut qaammammut akissarsiassaat qulakkeerniarlugit tunniunneqartarlutik.

Qinnuteqartut nunatsinni aalajangersimasumik najugaqartunut tunniunneqartarput makkunanilu suliaqartuussallutik:

  • illussanik titartaaneq
  • assilissanik eqqumiitsuliorneq
  • filmiliorneq
  • assassukkanik eqqumiitsuliat ilusilersuinerlu
  • atuakkiorneq
  • nipilersorneq
  • isiginnaartitsineq

Tapiissutit tunniunneqartut pillugit naatsorsuutinik tunniussisussaatitaavutit. Aningaasat eqqumiitsulianik ingerlatsinernut atunngikkukkit tapiissutit uterteqquneqarsinnaapput.

Una toorlugu qinnuteqarnermi maleruagassat atuarsinnaavatit

Akigititat 

Eqqumiitsuliornermut suliaqartunut tapiissutit qaammammut 26.000 kr. naleqarput.

Qinnuteqarneq 

Eqqumiitsuliornermut suliaqartunut tapiissutit qinnuteqaatiginiarukkit, qinnuteqarnermi immersugassaq immersussavat.

NemID-mik peqaruit
NemID-eqaruit eqqumiitsuliornermut suliaqartunut tapiissutinut attaveqaatitigut toqqaannartumik qinnuteqarsinnaavutit.

NemID-mik peqanngikkuit
NemID-mik peqanngikkuit qinnuteqarnissamut immersugassaq immersoriarlugu allanik pappialanik pisariaqartunik kakkiussillutit uunga nassiussissaatit: ikin@nanoq.gl

Una toorlugu eqqumiitsuliornermut suliaqartunut tapiissutinut qinnuteqarnermi immersugassaq aajuk

Malugiuk
Qinnuteqaatit fax-ikkut nassiussinnaanngilat.

Suliamut ingerlatseriaaseq 

Suliamik paasisimasallit eqqumiitsulioriaatsimi ilisimasaminni qinnuteqaatinik tiguneqartunik nalilersuissapput aammalu tapiissutinik agguaassisarneq, matumani tapiissutit angissusiat, ilusiat piffissarlu tapiissuteqarfiusoq pillugit Eqqumiitsuliornermut Aningaasaateqarfimmi siulersuisunut inassuteqaasiussallutik.

Sulianik paasisimasalinnit inassuteqaatit tunngavigalugit siulersuisut tapiissutinik tunniussissapput. Suliamik paasisimasallit inassuteqaataannut siulersuisut pisussaaffeqanngillat.

Naatsorsuutigissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaammat. Taamaattumik qinnuteqaatinnut tunngatillugu apeqquteqarfigineqarnissat naatsorsuutigissavat aammalu aningaasanik atuinissaq eqqarsaatigalugu qinnuteqaativit piffissaagallartillugu nassiunnissaa isumagissavat.

Aningaasanut naatsorsuutinut piumasaqaatit 

Suliniutinut tapiissutinik tigusisartut suliniutip naammassinerata kingorna kingusinnerpaamik qaammatit pingasut qaangiunnerisigut tapiissutit atorneqarnerinut naatsorsuutinik atsiukkanik Eqqumiitsuliornermut Aningaasaateqarfimmut nassiussissapput.

Tapiissutisiarisimasatit tamakkiisumik imaluunniit ilaannakorlugit utertinneqarnissaat pisinnaavoq, ima pisoqarsimappat:

  • Tapiiffigineqartup tapiiffigineqarnissamut piumasaqaataasut naammassisinnaajunnaarpagit.
  • Tapiiffigineqartup tapiissutitut akuersissutigineqartunut piumasaqaataajunnartut naammassinngippagit.
  • Qinnuteqartoq eqqunngitsunik paasissutissiisimappat.
  • Tapiissutinik tigusisoq paasissutissanik pingaarutilinnik nassiussinissamik itigartitsisimappat, taakkununngalu naatsorsuutit ilaapput.

 

Ullut killigititat 

Qinnuteqarnissamut killiliussaapput 15. januar, 1. februar, 1. maj, 1. august aamma 1. november.

Aamma atuarsinnaasatit

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl
Eqqumiitsuliornermut Aningaasaateqarfik
c/o Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl