airplanebooksbriefcase business cogs cross election entertainment fish house law lockmedicalpeopleselfservices socialtax

Aasianni Atuarfik Gammeqarfimmi atuartut Historiedystimi unammisitsinermi nunatsinni ajugaasut aamma nr. 2-nngortut. 

17. november 2020

Gammeqarfimmi atuartut 7.L aammalu 9.K oqaluttualiorluni unammisitsinermi Historiedysten-imi peqataapput. Sønderjylland qulequtarineqarpoq 1864-1920 killeqarfilerngusaanneq Danmark Tysklandillu akornanni pisimasoq. Taakkulu paasissutissat multi quizinik malitseqartinneqarput, atuartunit suliarineqartunit.

Atuartut ukiaanerani atuanngiffeqarnerata nalaani paasineqarpoq atuaqatigiit Gammeqarfimmiit unammeqataasut tamarmik finalimut anngussimasut, ulapinnersaarsuaqalerlunilu. Manuskriftiliornerit filmiliornerit iPad-inik atortorissaarluaqalutik ingerlatereerlugu ilaatigullu 7.L-it angajoqqaaniit tapersersorneqarluarlutik suliaqarluareerlutik, atuaqatigiit taakkua marluk suliatik kusanarluinnartumik piffissaagallartillugu tunniuppaat.

Gammeqarfimmi pissangalluta qilanaarluta unammeqataasut tapersersoqalugit qanoq angusaqarnissaannik utaqqivugut - nuannaarutigeqigatsigumi klassit marluk finalimut anngummata.
Sisamanngorneq 29. Oktober 2020 paasivarput 9.K-mi atuartut ajugaasut aammalu 7.L-it nr. 2-nngortut. Ila nuannateqaagut.

9.K ajungaasut Danmarkimut angalassutissaminnik billetsinnapput.

Sulineq tamaat isigalugu nuanneqqinnaamik ingerlanneqarpoq – unammeqataanerup ataatsimoortitsinera nuannersumik pigiliupparput. Neriulluta siunissami ajugaanissaq anguniaannanngikkaluarlugu Gammeqarfimmiit peqataasoqartuaannalerumaartoq.

Atuarfik Gammeqarfik.
Aasiaat, Kommune Qeqertalik. 


9. K historiedystimi Kalaallit Nunaanni ajugaasut, pisusaartitsinerminni isumaqatigiipput kikkut kunngikkormiuussanersut, kikkut suusaassanersut, pisusaartitsillutik qangatut atisalersorsimapput, tunuliaqutissamik qalipaallutik, taamani 1864-1920-kkunni Sønderjyllandimi pisusaartitsinerminni oqaluugiaataasimasut oqalugiaatigalungit pisusaartitsipput.

9.K. Kunngi æresportikkooqqammerluni nunnaangaarami niviarsiaraq qaqitikkaa

Assi: Rina Reimer Madsen.
7.L Kalaallit Nunaanni nr. 2-nngortut unamminermut peqataanerminni, angajoqqaat peqatigalungit 1864-1920-kkunni sønderjyllandimi pisuusaartitsillutik atisat, avatagiiseq, kaagit aamma nerriviup qaavaniittussat, saqqarmiut suliarisimavaat Sønderjysk “kaffebord”-riliorlutik.