Kommune Qeqertalimmi meeqqanut- inuusuttunullu sullissisut ullut kingulliit 14-it Aasianni kommunip ESDH-systemitaava Get Organized atorlugu pikkorissartinneqarput. PIkkorissarneq Isumaginninnermut Pisortaqarfimmit ingerlanneqartoq siunertaralugu meeqqat- inuusuttunullu pillugit Get Organized atorlugu sulisinnaalersinniarlugit.
Taassuma saniatigut Isumaginninnermut Pisortaqarfiup ullut 14-it Qeqertaliup Kommuniata illoqarfii tikeraarlugit systemimik ilinniartissavai.
Get Organized meeqqanut- inuusuttuaqqanullu sullississutaavoq kommuninut tallimanut siaruartussaq. Systemeq taanna nutaaq Kalaallit Nunaanni innuttaasunut sulisunullumi suliassaqarfimmi suliaqartunut assigiissaarutaassaaq, iluaqutaassalluni nukittorsaataallunilu.
