airplanebooksbriefcase business cogs cross election entertainment fish house law lockmedicalpeopleselfservices socialtax

Najukkami ataatsimiititaliamut qinersineq.

24. september 2021
Nutarsarneqarpoq 15. oktober 2021

Illoqarfigisanni allanngueqataarusuppit?

Kommune Qeqertalimmi illoqarfinni najukkami ataatsimiititalianut qinersineq pissaaq 26. oktober 2021.

Illillu 16-inik ukioqalereersimaguit aamma qineqqusaarsinnaavutit.
Sumiiffigisanni innuttaasut susassaqartinnissaanut, kulturikkut, timersornikkut, nipilersornikkut, eqqumiitsuliornikkut, sunngiffimmi sammisassaqartitsinermi aamma innuttaasunut ineriartuutaasinnaasunik sammisassaqartitsinernut innuttaasut sinnerlugit ilusilersueqataagit, aamma illoqarfigisami tusarniaanerit peqataaffigikkit.

Aasianni najukkami ataatsimiititaliamut, 16-inik ukioqalereersimaguit qineqqusaarnikkut innuttaasut sinnerlugit, Illoqarfimmi peqatigiiffiit, suliffeqarfiit peqatigalugit innuttaasunut aliikkutaasinnaasunik, siuariartuutaasinnaasunik nammineq iliuuseqarnikkut, pilersaarusiornikkut, innuttaasut akornanni nuannaarutaasinnaasunik, ineriartuutaasinnaasunik siuarsaaqataagit.

Najukkami ataatsimiititaliamut Qinigassanngortillutit sassarnerit 21. Oktober 2021 nalunaaqutaq 15:00 nallertinnagu nalunaarutigiuk.

Qineqqusaarluarisi.


Najukkami ataatsimiititaliamut qinersineq aamma qineqqusaarnissamut sassarnermi immersuiffissaq paasissutissallu. 

Kommune Qeqertalimmi illoqarfinni Aasianni, Qasigiannguani, Qeqertarsuarmi aamma Kangaatsiami ulloq 26. oktober 2021. Nal. 19:00 katersortarfinni najukkami ataatsimiititalianut qinersisoqassaaq. Najukkami Ataatsimiititaliami ilaasortassanik qinersinermut qinigassanngortissinnaallutillu qinerseqataasinnaavutit.

Najukkami Ataatsimiititaliamut qinersiniaruit aamma qineqqusaarniaruit 16-inik ukioqalereersimassaatit illoqarfimmilu najugaqarlutit.

16-iniik 17-it tikillugit ukiullit qinigassanngortinniarpata, angajoqqaat pinngitsooratik meeqqamik najukkami ataatsimiititaliami qinigassanngortinnerat akuerisussaavaat, piginnaatitsissummik atsiornikkut.

Najukkami Ataatsimiititaliamut qineqqusaarnissamut sassarnerit kingusinnerpaamik 21. oktober 2021, nal. 15:00 nalunaarutigissavat najukkanni kommunip allaffiani Sullissivimmut, imaluunniit  immersugassaq una:

PDF: immersugassaq.

aariarlugu immersoriarlugu E-mailikkut uunga nassiutissavat: qeqertalik@qeqertalik.gl qulequtserlugu:

”Najukkami ataatsimiititaliamut qineqqusaarneq [illoqarfiup atia]”

 Unnuk qineqqusaarfimmi qineqqusaartut najuunnissaat piumasaqaataanngilaq.

 

Una toorlugu Kommune Qeqertalimmi najukkami ataatsimiititaliamut ileqqoreqqusaq takujuk aamma maannamut ilaasortaasut takukkit:
Kommune Qeqertalimmi najukkani ataatsimiititalianut ileqqoreqqusat.

 

Allattoqarfik INUA
Kommune Qeqertalik